“இங்க வந்து எத்தனை நாள் ஆச்சு, பேசவே மாட்டேங்குறான்”… ‘பிக் பாஸ்’ வீட்டிற்குள் என்ட்ரியான ஆஜித்தின் அம்மா!

விஜய் டிவியில் ‘உலக நாயகன்’ கமல் ஹாசன் தொகுத்து வழங்கும் ‘பிக் பாஸ்’ ரியாலிட்டி ஷோவின் சீசன் 4 கடந்த அக்டோபர் 4-ஆம் தேதி முதல் ஒளிபரப்பாகத் துவங்கி உள்ளது. தொடர்ந்து 105 நாட்கள் நடைபெறவிருக்கும் இந்த நிகழ்ச்சியில் நடிகர் ரியோ ராஜ், நடிகை சனம் ஷெட்டி, நடிகை ரேகா, மாடல் பாலாஜி முருகதாஸ், செய்தி வாசிப்பாளர் அனிதா சம்பத், நடிகை ஷிவானி நாராயணன், நடிகர் ஜித்தன் ரமேஷ், பாடகர் வேல்முருகன், நடிகர் ஆரி, மாடல் சோமசேகர், நடிகை கேப்ரில்லா, விஜய் டிவி அறந்தாங்கி நிஷா, நடிகை ரம்யா பாண்டியன், நடிகை சம்யுக்தா கார்த்திக், நடிகர் சுரேஷ் சக்கரவர்த்தி, ‘சூப்பர் சிங்கர்’ ஆஜித் ஆகிய 16 பிரபலங்கள் கலந்து கொண்டனர்.

கடந்த அக்டோபர் 15-ஆம் தேதி பிக் பாஸ் வீட்டிற்குள் வைல்ட் கார்ட் மூலம் ‘விஜய் டிவி’ மற்றும் ‘ஜீ தமிழ்’ மூலம் ஃபேமஸான தொகுப்பாளினி அர்ச்சனா என்ட்ரியானார். அதன் பிறகு ரேகா மற்றும் வேல்முருகன் எலிமினேட் செய்யப்பட்டனர். பின், வீட்டிற்குள் வைல்ட் கார்ட் மூலம் பிரபல ஆர்ஜேவும், பாடகியுமான சுசித்ரா என்ட்ரியானார். அதன் பிறகு சுரேஷ் சக்கரவர்த்தி, சுசித்ரா, சம்யுக்தா கார்த்திக், சனம் ஷெட்டி, ஜித்தன் ரமேஷ், அறந்தாங்கி நிஷா மற்றும் அர்ச்சனா எலிமினேட் செய்யப்பட்டனர்.

கடந்த ஞாயிற்றுக்கிழமை பிக் பாஸ் நிகழ்ச்சியில் அனிதா சம்பத் எலிமினேட் செய்யப்பட்டார். தற்போது, விஜய் டிவி தங்களது அதிகாரப்பூர்வ ட்விட்டர் பக்கத்தில் புதிய ப்ரோமோ வீடியோவை வெளியிட்டுள்ளது. இந்த ப்ரோமோ வீடியோவில் ஆஜித்தின் அம்மாவும், சித்தியும் பிக் பாஸ் வீட்டிற்குள் என்ட்ரியாகுகிறார்கள். ஆஜித்தும், அவரது அம்மாவும் கட்டி அணைத்து அழுகின்றனர். அதன் பிறகு ஆஜித்தின் அம்மா “இங்க வந்து எத்தனை நாள் ஆச்சு. பேசவே மாட்டேங்குறான்” என்று சொல்கிறார்.

பின், ஆஜித்தின் சித்தி ஹவுஸ்மேட்ஸிடம் “ஆஜித் வந்து youngest-ல ஒவ்வொரு தடவையும் நாமினேட் ஆகும்போது, ஒரு clear picture-ஆ அவனுக்கு யாருமே சொல்லலையோ” என்று சொல்கிறார். அதற்கு ஆரி “என் வாயைத் தான் அடைச்சிட்டாங்களே” என்று சொல்கிறார். பின், ஆஜித்தின் சித்தி “கடைசி வரைக்கும் அவனுக்கு அது புரியவே இல்ல” என்று சொல்கிறார். இவ்வீடியோ சமூக வலைத்தளங்களில் தீயாய் பரவி வருகிறது.

#Day88 #Promo2 of #BiggBossTamil #பிக்பாஸ் – தினமும் இரவு 9:30 மணிக்கு நம்ம விஜய் டிவில.. #BBTamilSeason4 #BiggBossTamil4 #VijayTelevision pic.twitter.com/SZOMPjkssl

— Vijay Television (@vijaytelevision) December 31, 2020