‘பிக் பாஸ் 4’ : “நீங்க பண்ணது தான் தப்பு”… அனிதா – ஆரி இடையே மோதல்!

விஜய் டிவியில் ‘உலக நாயகன்’ கமல் ஹாசன் தொகுத்து வழங்கும் ‘பிக் பாஸ்’ ரியாலிட்டி ஷோவின் சீசன் 4 கடந்த அக்டோபர் 4-ஆம் தேதி முதல் ஒளிபரப்பாகத் துவங்கி உள்ளது. தொடர்ந்து 105 நாட்கள் நடைபெறவிருக்கும் இந்த நிகழ்ச்சியில் நடிகர் ரியோ ராஜ், நடிகை சனம் ஷெட்டி, நடிகை ரேகா, மாடல் பாலாஜி முருகதாஸ், செய்தி வாசிப்பாளர் அனிதா சம்பத், நடிகை ஷிவானி நாராயணன், நடிகர் ஜித்தன் ரமேஷ், பாடகர் வேல்முருகன், நடிகர் ஆரி, மாடல் சோமசேகர், நடிகை கேப்ரில்லா, விஜய் டிவி அறந்தாங்கி நிஷா, நடிகை ரம்யா பாண்டியன், நடிகை சம்யுக்தா கார்த்திக், நடிகர் சுரேஷ் சக்கரவர்த்தி, ‘சூப்பர் சிங்கர்’ ஆஜித் ஆகிய 16 பிரபலங்கள் கலந்து கொண்டனர்.

கடந்த அக்டோபர் 15-ஆம் தேதி பிக் பாஸ் வீட்டிற்குள் வைல்ட் கார்ட் மூலம் ‘விஜய் டிவி’ மற்றும் ‘ஜீ தமிழ்’ மூலம் ஃபேமஸான தொகுப்பாளினி அர்ச்சனா என்ட்ரியானார். அதன் பிறகு ரேகா மற்றும் வேல்முருகன் எலிமினேட் செய்யப்பட்டனர். பின், வீட்டிற்குள் வைல்ட் கார்ட் மூலம் பிரபல ஆர்ஜேவும், பாடகியுமான சுசித்ரா என்ட்ரியானார். அதன் பிறகு சுரேஷ் சக்கரவர்த்தி மற்றும் சுசித்ரா எலிமினேட் செய்யப்பட்டனர்.

கடந்த ஞாயிற்றுக்கிழமை பிக் பாஸ் நிகழ்ச்சியில் சம்யுக்தா கார்த்திக் எலிமினேட் செய்யப்பட்டார். தற்போது, விஜய் டிவி தங்களது அதிகாரப்பூர்வ ட்விட்டர் பக்கத்தில் புதிய ப்ரோமோ வீடியோவை வெளியிட்டுள்ளது. இந்த ப்ரோமோ வீடியோவில் பாலாஜி, அனிதா, ஆரி மூவரும் அமர்ந்து பேசிக் கொண்டிருக்கிறார்கள். அப்போது பாலாஜி “ஒரே விஷயம் தான் சனமுக்கு ஒரு call வந்ததுக்காக, 2 call வந்தவங்க என்ன தப்பு பண்ணாங்க?” என்று சொல்கிறார். பின், அனிதா “சனமுக்கு voting ஏன் நீங்க எடுத்தீங்க?” என்று ஆரியிடம் கேட்கிறார். அதற்கு ஆரி “சனம் deserving” என்று சொல்கிறார்.

பின், அனிதா “கைத் தூக்க சொன்னா அவங்களே தூக்கப்போறாங்க” என்று சொல்கிறார். அதற்கு ஆரி “deserving-க்கு fight பண்ணாம” என்று சொல்கிறார். பின், அனிதா “deserving-க்கு சனம் தான ஆரி fight பண்ணனும். நீங்க ஏன் fight பண்ணுனீங்க. நீங்க vote பண்ணது தப்புன்னு நான் சொல்லுவேன். நீங்க favourisim காட்டுனீங்க” என்று சொல்கிறார். அதற்கு ஆரி “அது உன் point-ஆ இருக்கலாம்” என்று சொல்கிறார். அதன் பிறகு பாலாஜி “ஒரு நியாயத்தை பேசிட்டு இன்னொரு நியாயத்தை பேசாம விட்டுட்டீங்க” என்று சொல்கிறார். இவ்வீடியோ சமூக வலைத்தளங்களில் தீயாய் பரவி வருகிறது.