‘பிக் பாஸ் 4’ : ‘ஷிவானி மேல இருக்கும் அன்பை கேமுக்குள்ள கொண்டு வராத’ன்னு பாலாஜியிடம் சொன்ன ஆரி!

விஜய் டிவியில் ‘உலக நாயகன்’ கமல் ஹாசன் தொகுத்து வழங்கும் ‘பிக் பாஸ்’ ரியாலிட்டி ஷோவின் சீசன் 4 கடந்த அக்டோபர் 4-ஆம் தேதி முதல் ஒளிபரப்பாகத் துவங்கி உள்ளது. தொடர்ந்து 105 நாட்கள் நடைபெறவிருக்கும் இந்த நிகழ்ச்சியில் நடிகர் ரியோ ராஜ், நடிகை சனம் ஷெட்டி, நடிகை ரேகா, மாடல் பாலாஜி முருகதாஸ், செய்தி வாசிப்பாளர் அனிதா சம்பத், நடிகை ஷிவானி நாராயணன், நடிகர் ஜித்தன் ரமேஷ், பாடகர் வேல்முருகன், நடிகர் ஆரி, மாடல் சோமசேகர், நடிகை கேப்ரில்லா, விஜய் டிவி அறந்தாங்கி நிஷா, நடிகை ரம்யா பாண்டியன், நடிகை சம்யுக்தா கார்த்திக், நடிகர் சுரேஷ் சக்கரவர்த்தி, ‘சூப்பர் சிங்கர்’ ஆஜித் ஆகிய 16 பிரபலங்கள் கலந்து கொண்டனர்.

கடந்த அக்டோபர் 15-ஆம் தேதி பிக் பாஸ் வீட்டிற்குள் வைல்ட் கார்ட் மூலம் ‘விஜய் டிவி’ மற்றும் ‘ஜீ தமிழ்’ மூலம் ஃபேமஸான தொகுப்பாளினி அர்ச்சனா என்ட்ரியானார். அதன் பிறகு ரேகா மற்றும் வேல்முருகன் எலிமினேட் செய்யப்பட்டனர். பின், வீட்டிற்குள் வைல்ட் கார்ட் மூலம் பிரபல ஆர்ஜேவும், பாடகியுமான சுசித்ரா என்ட்ரியானார். அதன் பிறகு சுரேஷ் சக்கரவர்த்தி, சுசித்ரா மற்றும் சம்யுக்தா கார்த்திக் எலிமினேட் செய்யப்பட்டனர்.

நேற்றைய பிக் பாஸ் நிகழ்ச்சியில் சனம் ஷெட்டி எலிமினேட் செய்யப்பட்டார். தற்போது, விஜய் டிவி தங்களது அதிகாரப்பூர்வ ட்விட்டர் பக்கத்தில் புதிய ப்ரோமோ வீடியோவை வெளியிட்டுள்ளது. இந்த ப்ரோமோ வீடியோவில் ஆரி, பாலாஜி முருகதாஸ் இருவரும் அமர்ந்து பேசிக் கொண்டிருக்கிறார்கள். அப்போது ஆரி “உனக்கு நான் என்ன சொல்லுவேன்னா, உனக்கு ஷிவானி மேல அன்பு இருக்கு கரெக்ட். கேமுக்குள்ள கொண்டு வராத, கேம்ல நீ அங்க ஒரு இடத்துல இருக்கும் போது தான்.

நீ first தெளிவாயிடு. ஒருத்தருக்காக ஒருத்தர் விளையாடுறது, அவங்கள காப்பாத்துறதுக்காக அன்பு வச்சுருக்கிறது அது எதுக்கு?” என்று சொல்கிறார். அதற்கு பாலாஜி “உங்களுக்கு எனக்கெல்லாம் பார்த்தீங்கன்னா ஒரு point-க்கு மேல பேச ஆள் இருக்காது. அப்புறம் என்ன பண்ணுவோம் தனியா உட்கார்ந்துக்கிட்டு?” என்று சொல்கிறார். பின், ஆரி “உனக்காவது ஷிவானி இருக்குடா. நான்லாம் யார் கூட பேசுறது சொல்லு?” என்று கேட்கிறார். அதற்கு பாலாஜி “இல்ல அவளும் போயிடுவா. pack பண்ணி அனுப்பிடுவாங்க” என்று சொல்கிறார். இவ்வீடியோ சமூக வலைத்தளங்களில் தீயாய் பரவி வருகிறது.