‘பிக் பாஸ் 4’ : “ஏன் அவங்களுக்கு வக்காலத்து வாங்கி என்கிட்ட பேசுறீங்க?”… ஆரி – சம்யுக்தா இடையே மோதல்!

விஜய் டிவியில் ‘உலக நாயகன்’ கமல் ஹாசன் தொகுத்து வழங்கும் ‘பிக் பாஸ்’ ரியாலிட்டி ஷோவின் சீசன் 4 கடந்த அக்டோபர் 4-ஆம் தேதி முதல் ஒளிபரப்பாகத் துவங்கி உள்ளது . இந்த சீசன் 4-யில் கலந்து கொள்ளப்போகும் பிரபலங்கள் யார்? என தெரிந்து கொள்ள ரசிகர்கள் ஆர்வமாக இருந்தார்கள். தினமும் பல பிரபலங்களின் பெயர்களை குறிப்பிட்ட வண்ணம் இருந்தது கோலிவுட் வட்டாரம்.

தொடர்ந்து 105 நாட்கள் நடைபெறவிருக்கும் இந்த நிகழ்ச்சியில் நடிகர் ரியோ ராஜ், நடிகை சனம் ஷெட்டி, நடிகை ரேகா, மாடல் பாலாஜி முருகதாஸ், செய்தி வாசிப்பாளர் அனிதா சம்பத், நடிகை ஷிவானி நாராயணன், நடிகர் ஜித்தன் ரமேஷ், பாடகர் வேல்முருகன், நடிகர் ஆரி, மாடல் சோமசேகர், நடிகை கேப்ரில்லா, விஜய் டிவி அறந்தாங்கி நிஷா, நடிகை ரம்யா பாண்டியன், நடிகை சம்யுக்தா கார்த்திக், நடிகர் சுரேஷ் சக்கரவர்த்தி, ‘சூப்பர் சிங்கர்’ ஆஜித் ஆகிய 16 பிரபலங்கள் கலந்து கொண்டனர்.

கடந்த அக்டோபர் 15-ஆம் தேதி பிக் பாஸ் வீட்டிற்குள் வைல்ட் கார்ட் மூலம் ‘விஜய் டிவி’ மற்றும் ‘ஜீ தமிழ்’ மூலம் ஃபேமஸான தொகுப்பாளினி அர்ச்சனா என்ட்ரியானார். அதன் பிறகு பிக் பாஸ் ஷோவில் ரேகா எலிமினேட் செய்யப்பட்டார். நேற்றைய பிக் பாஸ் நிகழ்ச்சியில் வேல்முருகன் எலிமினேட் செய்யப்பட்டார். மேலும், வீட்டிற்குள் வைல்ட் கார்ட் மூலம் பிரபல ஆர்ஜேவும், பாடகியுமான சுசித்ரா என்ட்ரியானார். தற்போது, விஜய் டிவி தங்களது அதிகாரப்பூர்வ ட்விட்டர் பக்கத்தில் புதிய ப்ரோமோ வீடியோவை வெளியிட்டுள்ளது. இந்த ப்ரோமோ வீடியோவில் சம்யுக்தா ஆரியிடம் “housekeeping rooms இன்னைக்கு காலையிலேயே பண்ணிடுங்க” என்று சொல்கிறார்.

அதற்கு ஆரி “அவங்க ஏன் நேத்து பண்ணல. அவங்கள பண்ண சொல்லுங்க. as a captain one side-ஆ இருக்கக்கூடாது. கேபி எல்லாரும் சேர்ந்து தான சொன்னாங்க உங்ககிட்ட நைட் பண்ணிக்கலாம்னு. இப்போ எதுக்கு வந்து நீங்க என்ன கேக்குறீங்க?” என்று சொல்கிறார். பின், சம்யுக்தா “நீங்கதான பண்ணனும்” என்று சொல்லி அர்ச்சனா சொன்னார் என அவர் பெயரை சொல்கிறார். அதற்கு ஆரி “ஏன் அவங்களுக்கு வக்காலத்து வாங்கி என்கிட்ட பேசிட்டு இருக்கீங்க?” என்று கோபமாக பேசுகிறார். பின், சம்யுக்தா ஆரியிடம் “ஒரு issue பண்ணனும்னே பண்ணிட்டு இருக்கீங்க” என்று சொல்கிறார். அதற்கு ஆரி “issue நான் பண்ணல சாம்” என்று சொல்கிறார். இவ்வீடியோ சமூக வலைத்தளங்களில் தீயாய் பரவி வருகிறது.

#Day29 #Promo3 of #BiggBossTamil #பிக்பாஸ் – தினமும் இரவு 9:30 மணிக்கு நம்ம விஜய் டிவில.. #BBTamilSeason4 #BiggBossTamil4 #VijayTelevision pic.twitter.com/urvhBx3VMR

— Vijay Television (@vijaytelevision) November 2, 2020