தமிழ் சினிமாவில் சாக்லேட் பாய் நடிகராக வலம் வந்தவர் அப்பாஸ். இந்நிலையில் நடிகர் அப்பாஸ் தற்போது மருத்துவமனையில் அனுமதிக்கப்பட்டு சிகிச்சை பெறுவது போன்ற புகைப்படம் வைரலாகி வருகிறது .
1996ம் ஆண்டு வெளியான ’காதல் தேசம்’ என்ற திரைப்படத்தின் மூலம் நடிகராக தமிழ் சினிமாவில் அறிமுகமானவர் நடிகர் அப்பாஸ். அதன்பின் சுயம்வரம் , படையப்பா , மலபார் போலீஸ் ’ உள்பட பல திரைப்படங்களில் நடித்து தமிழ் ரசிகர்களின் நெஞ்சங்களில் இடம் பிடித்தார் . சமீப காலமாக இவர் சினிமாவில் இருந்து ஒதுங்கி உள்ளார் .
இந்த நிலையில் நடிகர் அப்பாஸ் தனது சமூக வலைத்தளத்தில் மருத்துவமனையில் சிகிச்சை பெற்று வரும் புகைப்படம் ஒன்றை வெளியிட்டுள்ளார் . இதனை பார்த்த அவரது ரசிகர்கள் சோகம் அடைந்துள்ளனர். அப்பாஸ் அந்த பதிவில் தனக்கு சர்ஜரி செய்யப்பட்டுள்ளதாகவும் தனது உடல்நிலை தற்போது சீராக தேறி வருவதாகவும் தனக்காக பிரார்த்தனை செய்த, வாழ்த்து தெரிவித்த அனைவருக்கும் நன்றி என்று தெரிவித்துள்ளார் . தற்போது நடிகர் அப்பாஸ் விரைவில் குணமாக வேண்டும் என்பது ரசிகர்களின் எண்ணமாக இருக்கிறது .
Home
