அர்ஜுனின் பர்த்டே ட்ரீட்… ரிலீஸானது ‘பிரண்ட்ஷிப்’ படத்தின் ஸ்பெஷல் டீசர்!

தமிழ் திரையுலகில் பிரபல நடிகராக வலம் வரும் அர்ஜுனுக்கு இன்று (ஆகஸ்ட் 15-ஆம் தேதி) பிறந்த நாளாம். ‘ஆக்ஷன் கிங்’ என்று ரசிகர்களால் அன்போடு அழைக்கப்படும் அர்ஜுன் நடிகராக தமிழில் அறிமுகமான படம் ‘நன்றி’. இந்த படத்தை இயக்குநர் இராம நாராயணன் இயக்கியிருந்தார்.

அதன் பிறகு பல படங்களில் நடித்த அர்ஜுனின் 100-வது படம் ‘மன்னவரு சின்னவரு’, 150-வது படம் ‘நிபுணன்’. ‘நிபுணன்’ படத்துக்கு பிறகு ‘லை, நா பேரு சூர்யா நா இல்லு இந்தியா, இரும்புத் திரை, கொலைகாரன், குருக்ஷேத்ரா, ஜாக் அண்ட் டேனியல், ஹீரோ’ என பல படங்களில் நடித்து விட்டார் ‘ஆக்ஷன் கிங்’. தமிழ் மட்டுமின்றி கன்னடம், தெலுங்கு, மலையாளம் மற்றும் ஹிந்தி ஆகிய மொழி படங்களிலும் ‘ஆக்ஷன் கிங்’ அர்ஜுன் வலம் வந்திருக்கிறார்.

இப்போது, அர்ஜுன் நடிப்பில் மூன்று தமிழ் படங்கள் லைன் அப்பில் இருக்கிறது. இதில் ‘பிரண்ட்ஷிப்’ என்ற படத்தில் அர்ஜுனுடன் முக்கிய ரோல்களில் ஹர்பஜன் சிங், லாஸ்லியா, சதீஷ் ஆகியோர் நடிக்கின்றனர். இந்த படத்தை இயக்குநர்கள் ஜான் பால் ராஜ் – ஷாம் சூர்யா இணைந்து இயக்குகிறார்கள். தற்போது, அர்ஜுனின் பிறந்த நாள் ட்ரீட்டாக ஒரு ஸ்பெஷல் டீசரை ‘பிரண்ட்ஷிப்’ படக்குழுவினர் வெளியிட்டுள்ளனர்.