நம்ம காமெடியன் மனோபாலாவா இது… செம ஸ்டைலிஷ் லுக்கில் புதிய போட்டோஷூட்!

‘கொரோனா’ பிரச்சனையால் இப்போது திரையுலகில் அனைத்து படங்களின் படப்பிடிப்புகளும் நிறுத்தப்பட்டுள்ளது, திரையரங்குகளும் மூடப்பட்டுள்ளது. அடுத்தடுத்து பல படங்களுக்கு கால்ஷீட் கொடுத்து செம பிஸியாக நடித்து வந்தார்கள் பிரபலங்கள். இந்த லாக் டவுன் டைமில் தான் அவர்களுக்கு அதிக நேரம் கிடைத்திருக்கிறது.

ஆகையால், இந்த நேரத்தை அவரவர்கள் தங்களுக்கு பிடித்தமான விஷயத்தில் கவனம் செலுத்தி லாக் டவுனை பயனுள்ளதாக மாற்றி வருகிறார்கள். சிலர், இதுவரை தெரியாத பல புதிய விஷயங்களையும் கற்றுக் கொண்டு வருகிறார்கள். தமிழ் திரையுலகில் பிரபல நடிகராக வலம் வருபவர் மனோபாலா. மனோபாலாவை பார்த்தாலே சிரிப்பு வந்து விடும். அந்த அளவிற்கு அதிக படங்களில் நடித்து நம் மனதில் இடம் பிடித்து விட்டார்.

அவரின் பாடி லாங்குவேஜ் மற்றும் காமெடி வசனங்கள் தான் அவருக்கு லைக்ஸ் போட காரணம். இப்போது, மனோபாலா நடிப்பில் பல படங்கள் லைன் அப்பில் இருக்கிறது. இந்நிலையில், இவர் தனது அதிகாரப்பூர்வ ட்விட்டர் பக்கத்தில் சில போட்டோஷூட் ஸ்டில்ஸை வெளியிட்டுள்ளார். இந்த போட்டோஷூட் ஸ்டில்ஸை பார்த்த ரசிகர்கள், மனோபாலாவா இது என ஆச்சர்யப்படுகின்றனர். அந்த அளவுக்கு செம ஸ்டைலிஷ் லுக்கில் இருக்கிறார் மனோபாலா.