தமிழில் ஷங்கர் இயக்கத்தில் 2003 ஆம் ஆண்டு வெளியான “பாய்ஸ்” திரைப்படம் மூலம் தமிழ் திரையுலகிற்கு அறிமுகமானவர் நடிகர் நகுல்.
பிறகு காதலில் விழுந்தேன், மாசிலாமணி, கந்தக்கோட்டை, வல்லினம், தமிழுக்கு என் ஒன்றை அழுத்தவும், நாரதன், பிரம்மா, செய் போன்ற படங்களில் நடித்து தமிழ் திரைப்படவுலகில் தனக்கென தனி இடத்தை பிடித்துள்ளார். இவர் நடிகர் மட்டுமல்லாது பின்னணி பாடகராகவும் இருந்துள்ளார்.
இவர் கடந்த 2014ஆம் ஆண்டு ஸ்ருதி பாஸ்கர் என்பவரை திருமணம் செய்து கொண்டார். சமீபத்தில் தனது மனைவி கர்ப்பமாக இருக்கும் விஷயத்தை மகிழ்ச்சியாக புகைப்படங்களை வெளியிட்டு கொண்டாடினார் நகுல். இந்த புகைப்படங்கள் இணையதளத்தில் வைரலானது.
தந்தையான உற்சாகத்தில் இருக்கிறார் நகுல். இவருக்கு பெண் குழந்தை பிறந்துள்ளது. தன் மகளுடன் அவர் இருக்கும் புகைப்படம் ஒன்றை வெளியிட்டு “இளவரசிக்கு நான் தந்தை. என் மனைவி ஸ்ருதிக்கு நன்றி” என்று உணர்ச்சிவசமாக குறிப்பிட்டிருந்தார்.
இந்த குழந்தைக்கு பெயர் வைக்க நடிகர் நகுல் மற்றும் அவரது மனைவி ஸ்ருதியும் ஆழ்ந்த சிந்தனையில் ஈடுபட்டு, தற்போது குழந்தையின் பெயரை சமூக வலைத்தளத்தில் அதிகாரபூர்வமாக வெளியிட்டுள்ளார்கள்.
தங்கள் குழந்தைக்கு செல்லமாக “குல்பி” என்று பெயரிட்டுள்ள இந்த தம்பதியினர் அவளது இயற்பெயர் “அகிரா” என்று வெளியிட்டு, தங்கள் மகளுக்கு அனைவரது ஆசிர்வாதமும் வேண்டுமென்றும் அவர்கள் கேட்டுக் கொண்டுள்ளார்கள்.
