துணை நடிகர் தவசிக்கு முன்வந்து உதவிய நடிகர் சிலம்பரசன்!

தமிழ் சினிமாவில் முன்னணி நடிகர்களில் ஒருவரான சிம்பு தற்போது சுசீந்திரன் இயக்கத்தில் ‘ஈஸ்வரன்’ என்ற திரைப்படத்தில் நடித்து வருகிறார்.

இந்தப் படத்தின் படப்பிடிப்பிற்காக தனது உடல் எடையை வெகுவாக குறைத்த இவரின் புது லுக், அவரது ரசிகர்களை குஷிப்படுத்தியது மட்டுமில்லாமல், பலரை ஆச்சரியப்படுத்தியுள்ளது.

பலவாறு மாற்றங்களை தன் வாழ்வில் ஏற்படுத்திக் கொண்டுள்ள சிம்பு தற்போது மாநாடு திரைப்படத்தின் படப்பிடிப்பில் கலந்து கொண்டுள்ளார். ஏற்கனவே ஈஸ்வரன் திரைப்படத்தின் படப்பிடிப்பை சமீபத்தில்தான் இவர் முடித்துள்ளார்.

தற்போது புற்றுநோயால் பாதிக்கப்பட்டு பண உதவி கேட்டு பரிதாபமாக வீடியோ வெளியிட்டிருந்த துணை நடிகர் தவசிக்கு சூரி சிவகார்த்திகேயன் விஜய் சேதுபதி உள்ளிட்ட பிரபலங்கள் உதவி வந்தார்கள்.

இந்நிலையில் இதைப்பற்றி கேள்விப்பட்ட நடிகர் சிம்பு ரூபாய் ஒரு லட்சம் இந்த துணை நடிகரின் மருத்துவச் செலவிற்காக அளித்துள்ளார். இதற்கு நடிகர் தவசி மிகுந்த நன்றியை தெரிவித்துள்ளார்.