தமிழில் முன்னணி நடிகர்களில் ஒருவரான விக்ரம் மற்றும் அவரது குடும்பத்தினர் தற்போது மகிழ்ச்சி வெள்ளத்தில் இருக்கிறார்கள்.
நடிகர் விக்ரமின் மகள் தற்போது கர்ப்பமாக உள்ளார் என்ற செய்தி வெளியாகியுள்ளது. இதனால் விக்ரமின் ரசிகர்கள் அவருக்கு வாழ்த்துக்களை குவித்து வைக்கிறார்கள். விரைவில் விக்ரம் தாத்தாவாக இருக்கிறார் என்பது குடும்பத்திற்கு மகிழ்ச்சியான செய்தி.
நடிகர் சியான் விக்ரமின் மகள் அக்ஷிதா கடந்த 2017ஆம் ஆண்டு மனு ரஞ்சித் என்பவரை திருமணம் செய்து கொண்டார். தற்போது அவர் கர்ப்பமாக இருக்கிறார் என்ற செய்தி குடும்பத்தினரிடையே மகிழ்ச்சியை ஏற்படுத்தி உள்ளது.
இளம் நடிகைகளுடன் ஹீரோவாக நடித்து வரும் விக்ரம் தாத்தாவாக போகிறார் என்பது அதிர்ச்சியான விஷயமே. இவர் மகள் கர்ப்பமான இந்த மகிழ்ச்சியை குடும்பத்தினர் ஒரு சிறிய விழாவாக கொண்டாடப் போகிறார்கள் என்ற செய்தியும் வெளியாகியுள்ளது.
தற்போது நடிகர் விக்ரம் கௌதம் வாசுதேவ் மேனன் இயக்கத்தில் “துருவ நட்சத்திரம்” படத்தில் நடித்து வருகிறார். அதுமட்டுமின்றி அஜய் ஞானமுத்து இயக்கத்தில் “கோப்ரா” படத்திலும் நடித்து வருகிறார். அதுமட்டுமின்றி கார்த்திக் சுப்புராஜ் இயக்கத்தில் தனது மகன் துரு விக்ரமுடன் அடுத்து விக்ரம் நடிக்கவிருக்கிறார்.
