சினிமாவில் பாப்புலர் ஹீரோயினாக வலம் வருபவர் அனுபமா பரமேஸ்வரன். இவருக்கு அமைந்த முதல் படமே மெகா ஹிட்டானது. அது தான் மலையாள படமான ‘ப்ரேமம்’. இந்த படத்தில் ‘மேரி’ என்ற ரோலில் வலம் வந்து ரசிகர்களிடம் லைக்ஸ் குவித்தார். அதன் பிறகு அனுபமா பரமேஸ்வரனுக்கு அடித்தது ஜாக்பாட்.
அடுத்தடுத்து இவரின் கால்ஷீட் டைரியில் தமிழில் ‘கொடி, தள்ளிப் போகாதே’, தெலுங்கில் ‘அ ஆ, ப்ரேமம், சதமானம் பவதி, கிருஷ்ணார்ஜுனா யுத்தம், தேஜ் ஐ லவ் யூ, ஹலோ குரு ப்ரேம கோஷமே, ராக்ஷஷுடு’, மலையாளத்தில் ‘ஜோமெண்டே சுவிசேஷங்கள், மணியாரயிலே அசோகன்’, கன்னடத்தில் ‘நடசார்வாப்ஹவுமா’ என படங்கள் குவிந்தது.
சமீபத்தில், அனுபமா பரமேஸ்வரன் நடிப்பில் வெளியான தெலுங்கு படம் ‘ரௌடி பாய்ஸ்’. இந்த படத்தில் ஹீரோவாக ஆஷிஸ் ரெட்டி நடித்திருந்தார். இப்படத்தில் அனுபமா பரமேஸ்வரனுக்கு ஹீரோ லிப் லாக் முத்தம் கொடுப்பது போன்ற காட்சி இடம்பெற்றிருந்தது. தற்போது, இந்த படத்தில் நடிப்பதற்காக நடிகை அனுபமா பரமேஸ்வரன் ரூ.50 லட்சம் சம்பளம் வாங்கியதாக தகவல் கிடைத்துள்ளது.
