மீரா சோப்ராவின் தந்தையிடம் வழிப்பறி…!

மீரா சோப்ரா…, அதாங்க நம்ம அ..ஆ… படத்தின் நாயகி நிலா தாங்க… எஸ்ஜேசூர்யாவின் கண்டுபிடிப்பு. தமிழில் அன்பே ஆருயிரே படத்தின் மூலம் சினிமாவில் அறிமுகமானவர் நடிகை மீரா சோப்ரா. தமிழைத் தவிர, தெலுங்கு, கன்னடம், ஹிந்தி, ஆங்கிலம் ஆகிய மொழிகளிலும் ஒரு சில படங்களில் நடித்துள்ளார். தமிழில் எஸ்ஜே சூர்யா படத்திற்கு பின், ஜாம்பவான், லீ, மருதமலை, காளை, ஜகன்மோகினி, இசை, கில்லாடி ஆகிய தமிழ் படங்களில் நடித்துள்ளார்.

தற்போது பாலிவுட்டில் நாஸ்டிக் மற்றும் மொஹாலி புவ்வு என்ற தெலுங்கு படத்திலும் மீரா சோப்ரா நடித்து வருகிறார். இவர் பாலிவுட் நடிகை பிரியங்கா சோப்ராவின் உறவினர். இந்த நிலையில், மீரா சோப்ராவின் தந்தையிடம் மர்ம நபர்கள் கொள்ளையடித்துச் சென்றுள்ளனர். இது குறித்து ட்விட்டரில் டெல்லி போலீசாரை டேக் செய்து அவர் புகார் பதிவு செய்துள்ளார். அதில், போலீஸ் காலனி பகுதியில் எனது தந்தை நடைபயிற்சி மேற்கொண்டார். அப்போது, அங்கு ஸ்கூட்டரில் வந்த இருவர், எனது தந்தையிடம் கத்தியை காட்டி மிரட்டி அவரிடமிருந்து செல்போனை பறித்துச் சென்றுள்ளனர். இதுதான் டெல்லியின் பாதுகாப்பு நிலை என்று பதிவிட்டு, டெல்லி முதல்வர் அரவிந்த் கெஜ்ரிவாலை டேக் செய்திருந்தார்.

இதையடுத்து, மற்றொரு டுவிட்டரில், டெல்லி காவல் துறையினருக்கு நன்றி. எது திருடுபோனது என்பது முக்கியமல்ல, நமது வீட்டுப் பெரியவர்களை பாதுகாப்பது தான் முக்கியம் என்று பதிவிட்டுள்ளார்.

What’s the connection between my dad’s robbed phone and my cousin in the US? Can the media gurus please enlighten me? @Koimoi @fpjindia @bollybubble @ians_india @Spotboye @ZoomTV @ZeeNewsEnglish @dna

— meera chopra (@MeerraChopra) May 6, 2020