சினிமாவில் பாப்புலர் ஹீரோயின்களில் ஒருவராக வலம் வருபவர் ஐஸ்வர்யா மேனன். இவர் அறிமுகான முதல் படத்தில் சின்ன ரோல் தான் கிடைத்தது. அது தான் ‘காதலில் சொதப்புவது எப்படி’. அதன் பிறகு ‘ஆப்பிள் பெண்ணே’ என்ற படத்தில் ஹீரோயின் அவதாரம் எடுத்தார் ஐஸ்வர்யா மேனன்.
‘ஆப்பிள் பெண்ணே’ படத்துக்கு பிறகு நடிகை ஐஸ்வர்யா மேனனுக்கு அடித்தது ஜாக்பாட். அடுத்தடுத்து இவரின் கால்ஷீட் டைரியில் ‘தீயா வேலை செய்யணும் குமாரு, வீரா, தமிழ்ப் படம் 2, நான் சிரித்தால், வேழம்’ என படங்கள் குவிந்தது.
ஐஸ்வர்யா மேனன் தமிழ் மொழி படங்கள் மட்டுமில்லாமல் மலையாளம், தெலுங்கு மற்றும் கன்னடம் ஆகிய மொழி படங்களிலும் நடித்து ரசிகர்களிடம் அப்ளாஸ் வாங்கியிருக்கிறார். சமீபத்தில், ஐஸ்வர்யா மேனன் நடித்து தெலுங்கு, தமிழ், ஹிந்தி, கன்னடம் ஆகிய மொழிகளில் ‘ஸ்பை’ என்ற படம் வெளியானது.
இந்நிலையில், இவர் தனது இன்ஸ்டாகிராம் பக்கத்தில் புது வீடியோவை வெளியிட்டுள்ளார். ஐஸ்வர்யா மேனன் துபாயில் ஸ்கை டைவிங் செய்தபோது எடுக்கப்பட்ட இந்த வீடியோ சமூக வலைத்தளங்களில் தீயாய் பரவி வருகிறது.
