பிரபல இந்தி திரைப்பட நடிகையான கங்கனா ரனாவத், அப்பரஜிதா அயோத்தியா என்ற படத்தை இயக்கவுள்ளார். இந்த திரைப்படம் பாபர் மசூதியின் சர்ச்சையைத் தழுவியதாக அமையும் என்று அவர் குறிப்பிட்டுள்ளார்.
இந்த திரைப்படத்தில் சர்ச்சைக்குரிய விஷயம் எதுவுமில்லை அதனால் அச்சமின்றி அவர் இயக்க சம்மதித்ததாக கூறியுள்ளார். முதலில் தனக்கு இயக்கும் எண்ணம் இல்லை என்றும் ,தான் தயாரித்து வேறு ஒருவரை இயக்க வைக்க வேண்டுமென்ற எண்ணம் இருந்ததாகவும் கூறுனார்.
மேலும் வரலாற்றுச் சிறப்புமிக்க ராணி லக்ஷ்மி பாயின் கதையை தழுவிய படமான மணிகார்நிகா வில் நடித்த இவர் இப்பொழுது பாபர் மசூதி தழுவிய கதையை இயக்கி , புரட்சி இயக்குனராக மகுடம் சூடுகிறார்.
இதைப்பற்றி அவர் ஒரு பேட்டியில் கூறியதாவது” நான் இத்திரைப்படத்தை தயாரிப்பது குறித்து முடிவு செய்து வைத்திருந்தேன். ஆனால் கே.வி விஜயேந்திரா அவர்கள் கதை பற்றி எனக்கு விளக்கியபோது நான் ஏற்கனவே இயக்கிய கதைக்களத்தைத் தழுவி இருந்ததால் இயக்குவதற்கு ஒப்புக் கொண்டேன். மேலும் என்னுடன் பணிபுரிய இருப்பவர்கள் நான் இயக்குவதில் ஆர்வம் காட்டினர். அதனால் இவையெல்லாம் இயல்பாகவே நடந்தேறியது” என்று கூறினார்.
மேலும் ஒரு படத்தை இயக்குவதில் உள்ள கடினமான அம்சங்களை அவரிடம் கேட்டபோது ,ஒரு படத்தில் மற்றொரு நபரின் நோக்கத்தை வெளிப்படுத்துவதே கடினமான விஷயம் என்றும், இந்த திரைப்படத்தில் தான் முதலில் இருந்தே கவனமாக பங்கேற்றுக் கொண்டிருப்பதால் இது தனக்கு சுலபமானது என்றும் குறிப்பிட்டுள்ளார்.
இந்த படத்தின் எழுத்தாளரான விஜயேந்திரா அவர்கள் பாகுபலி மற்றும் மணிகார்நிகா ஆகிய படங்களிலும் பணிபுரிந்துள்ளார் என்பது குறிப்பிடத்தக்கது.
