கண்ணில் கட்டு போட்டபடி குஷ்பூ இருக்கும் புகைப்படம்… ஷாக்கான ரசிகர்கள்!

தமிழ் சினிமாவில் பிரபல நடிகையாக வலம் வருபவர் குஷ்பூ. ‘தர்மத்தின் தலைவன்’ படத்தின் மூலம் அறிமுகமான குஷ்பூ, அதன் பிறகு ‘வருஷம் 16, வெற்றி விழா, கிழக்கு வாசல், நடிகன், மைக்கேல் மதன காம ராஜன், சின்ன தம்பி’ போன்ற பல படங்களில் நடித்தார். இப்போது ‘அண்ணாத்த’ என்ற படத்தில் நடித்து வருகிறார் குஷ்பூ.

முன்னணி நடிகர் ‘சூப்பர் ஸ்டார்’ ரஜினிகாந்த் கதையின் நாயகனாக நடிக்கும் இந்த படத்தை பிரபல இயக்குநர் சிவா இயக்குகிறார். இதன் ஷூட்டிங் பரபரப்பாக நடைபெற்று வந்தது. பின், ‘கொரோனா’ பிரச்சனையால் திரையுலகில் அனைத்து படங்களின் படப்பிடிப்புகளும் நிறுத்தப்பட்டது.

தற்போது, குஷ்பூ தனது அதிகாரப்பூர்வ ட்விட்டர் பக்கத்தில் “எனக்கு இன்று (ஆகஸ்ட் 19-ஆம் தேதி) காலை கண்ணில் அறுவை சிகிச்சை செய்யப்பட்டது. அதனால் கொஞ்ச நாட்களுக்கு சமூக வலைத்தளங்களுக்கு ப்ரேக் விடப்போகிறேன். கூடிய விரைவில் நலமுடன் திரும்பி வருவேன்” என்று பதிவிட்டு, கண்ணில் கட்டு போட்டபடி இருக்கும் புகைப்படத்தையும் வெளியிட்டுள்ளார்.

Hi friends, will be inactive for a while as I had to go under a knife for my eye this morning.. promise to be back soon. Take care, wear a mask if heading out and maintain a distance. pic.twitter.com/K7d5plvsym

— KhushbuSundar (@khushsundar) August 19, 2020