‘கொரோனா’ பிரச்சனையால் இப்போது திரையுலகில் அனைத்து படங்களின் படப்பிடிப்புகளும் நிறுத்தப்பட்டுள்ளது, திரையரங்குகளும் மூடப்பட்டுள்ளது. அடுத்தடுத்து பல படங்களுக்கு கால்ஷீட் கொடுத்து செம பிஸியாக நடித்து வந்தார்கள் ஹீரோயின்ஸ். இந்த லாக் டவுன் டைமில் தான் நடிகைகளுக்கு அதிக நேரம் கிடைத்திருக்கிறது.
ஆகையால், இந்த நேரத்தை அவரவர்கள் தங்களுக்கு பிடித்தமான விஷயத்தில் கவனம் செலுத்தி லாக் டவுனை பயனுள்ளதாக மாற்றி வருகிறார்கள். சிலர், இதுவரை தெரியாத பல புதிய விஷயங்களையும் கற்றுக் கொண்டு வருகிறார்கள். சமுத்திரக்கனியின் ‘சாட்டை’ என்ற தமிழ் படம் மூலம் ஃபேமஸான நடிகை மஹிமா நம்பியார்.
அதன் பிறகு ‘என்னமோ நடக்குது, குற்றம் 23, கொடிவீரன், இரவுக்கு ஆயிரம் கண்கள், மகாமுனி’ போன்ற தமிழ் படங்களில் நடித்திருந்தார். இப்போது, மஹிமா நம்பியார் நடிப்பில் மூன்று படங்கள் லைன் அப்பில் இருக்கிறது. இந்நிலையில், இவர் தனது அதிகாரப்பூர்வ இன்ஸ்டாகிராம் பக்கத்தில் வீடியோ ஒன்றை வெளியிட்டுள்ளார். இந்த வீடியோவில் தனுஷின் ‘மரியான்’ படத்தில் இடம்பெற்ற ‘நேற்று அவள் இருந்தாள்’ பாடலை பாடியுள்ளார்.
