குழந்தை நட்சத்திரமாக திரையுலகிற்கு அறிமுகமாகி பின்பு ஹீரோயினாக நடிக்க தொடங்கி குணச்சித்திர வேடங்களிலும் நடித்து வரும் நடிகை நிவேதா தாமஸ் தன் திருமணம் குறித்து தற்போது செய்தி வெளியிட்டுள்ளார்.
சமுத்திரக்கனி இயக்கத்தில் 2011ம் ஆண்டு வெளியான “போராளி” படத்தின் மூலம் தமிழ் திரை உலகில் ஹீரோயினாக வலம் வர ஆரம்பித்த நடிகை நிவேதா தாமஸ் சமீபத்தில் சூப்பர் ஸ்டார் ரஜினிகாந்தின் “தர்பார்” படத்தில் அவருக்கு மகளாக நடித்து புகழ்பெற்றார்.
இவர் தமிழ் மட்டுமின்றி தெலுங்கு மற்றும் மலையாள படங்களிலும் நடித்து வருகிறார். இவர் கமலுக்கும் மகளாக “பாபநாசம்” என்ற திரைப்படத்தில் நடித்திருந்தார்.
தற்போது திருமணம் குறித்து ஒரு கேள்வியை அவரிடம் கேட்டபோது, தனக்கு தற்போது திருமணம் பற்றி யோசிக்க கூட நேரம் இல்லை என்றும், கேரியரில் முக்கிய கதாபாத்திரங்களில் நடித்து பின்பு இயக்குனராகி சாதனை புரிய வேண்டியது பல இருக்கிறது என்றும் அதன் பின் தான் திருமணம் பற்றி யோசிக்கவே ஆரம்பிப்பேன் என்றும் கூறியுள்ளார்.
தற்போது தெலுங்கில் ஒரு முக்கிய கதாபாத்திரத்தில் நடித்துள்ள நிவேதா தாமஸ் இந்த படத்தின் வெளியீட்டுக்காக காத்திருக்கிறார்.
