சினிமாவில் டாப் ஹீரோயின்களில் ஒருவராக வலம் வருபவர் சாய் பல்லவி. இவருக்கு அமைந்த முதல் படமே நிவின் பாலியுடன் தான். அது தான் மலையாள படமான ‘ப்ரேமம்’. பாப்புலர் இயக்குநர்களில் ஒருவரான அல்போன்ஸ் புத்திரன் இயக்கியிருந்த இந்த படம் மெகா ஹிட்டானது. இதில் சாய் பல்லவியின் நடிப்பு அவருக்கு அதிக லைக்ஸ் போட வைத்தது.
இந்த படத்துக்கு பிறகு நடிகை சாய் பல்லவிக்கு அடித்தது ஜாக்பாட். அடுத்தடுத்து இவரின் கால்ஷீட் டைரியில் மலையாளத்தில் ‘கலி, அதிரன்’, தெலுங்கில் ‘ஃபிடா, மிடில் கிளாஸ் அப்பாயி, படி படி லேச்சே மனசு’, தமிழில் ‘தியா, மாரி 2, NGK, பாவக் கதைகள்’ என படங்கள் குவிந்தது.
இப்போது, சாய் பல்லவி நடிப்பில் தெலுங்கில் ‘விரத பர்வம், ஷியாம் சிங்கா ராய்’ என இரண்டு படங்கள் லைன் அப்பில் இருக்கிறது. இதில் ‘ஷியாம் சிங்கா ராய்’ படத்தில் ஹீரோவாக நானி நடித்துள்ளார். இந்த படத்தை வருகிற டிசம்பர் 24-ஆம் தேதி ரிலீஸ் செய்ய ப்ளான் போட்டுள்ளனர். இந்நிலையில், நடிகை சாய் பல்லவியின் சொத்து மதிப்பு ரூ.37 கோடி என தகவல் கிடைத்துள்ளது.
