நடிகர் சாந்தனு மாற்றும் அவரது மனைவி கிகி இருவரும் இணைந்து யூடிப் சேனல் ஒன்றை தொடங்கியுள்ளனர்.
கொரோனா ஊரடங்கு அனைத்து துறைகளையும் அதிகம் பாதித்துள்ளது. ஐடி உள்ளிட்ட ஒரு சில துறையில் பணியாற்றுபவர்கள் வீட்டில் இருந்தே பணியாற்றும் வாய்ப்பு உள்ளது. ஆனால் சினிமா துறையினருக்கு அப்படி எந்த வாய்ப்பும் இல்லை என்பதால் அவர்கள் எந்த பணியும் இல்லாமல் வீட்டில் இருக்கின்றனர்.
இந்நிலையில் சினிமா நட்சத்திரங்கள் பலர் தங்கள் வீட்டில் தங்களுக்கு பிடித்த விஷயங்களை செய்து அதை வீடியோ எடுத்து வெளியிட்டு வருகின்றனர். ஒர்கவுட், யோகா, சமையல் செய்வது என பல விஷயங்கள் செய்யும் வீடியோக்களை வெளியிட்டு வருகின்றனர்.
இந்நிலையில் சமூக வலைத்தளங்களில் எப்போதும் ஆக்டிவாக இருக்கும் நடிகர் சாந்தனு மற்றும் அவரது மனைவி கீர்த்தி இணைந்து ஒரு யூடிப் சேனல் தொடங்கியுள்ளனர். இருவரும் குடும்பத்துடன் காமெடியாக நடித்து எடுத்த பல வீடியோக்களை இதற்கு முன்பு ட்விட்டரில் வெளியிட்டு உள்ளனர். அதற்கு நல்லவரவேற்பு கிடைத்த நிலையில் தற்போது யூடியூப் சேனல் ஆரம்பித்து அதில் பதிவேற்றம் செய்துள்ளனர்.
இதை சாந்தனு-கிகி இருவரும் ஒரு வீடியோ மூலமாக அறிவித்துள்ளனர். “முதல் முறையாக நானும் கிகியும் சேர்ந்து ஒரு யூடிப் சேனல் ஆரம்பிச்சிருக்கோம் – ‘வித் லவ் சாந்தனு கிகி’. Quarantineல என்ன பண்றதுனு எங்களுக்கு தெரியல. எதாவது வீடியோ அப்லோடு பண்ணலாம் என்றால் அதற்கு சொந்தமாக ஒரு சேனல் வேண்டும் என யோசித்தோம். நெறய interesting வீடியோஸ் போட போறோம் மிஸ் பண்ணாம பாருங்க. முக்கியமா subscribe பண்ணுங்க.. கடைசில் என்னையும் அதை சொல்ல வெச்சிட்டாங்களே மா..” என கூறியுள்ளார் சாந்தனு.
