தமிழ் சினிமாவின் முன்னணி நடிகர்களில் ஒருவரான முரளி அவர்களின் மகனான அதர்வா முரளி தற்போது அனைவரும் ரசிக்கப்படும் ஒரு நடிகராக வளர்ந்துள்ளார்.
2010 ஆம் ஆண்டு வெளியான பானா காத்தாடி திரைப்படம் மூலம் தமிழ் திரையுலகிற்கு ஹீரோவாக அறிமுகமான அதர்வா முரளி முப்பொழுதும் உன் கற்பனைகள், பரதேசி, இரும்புக்குதிரை, சண்டிவீரன், ஈட்டி, இமைக்கா நொடிகள், பூமராங் ஆகிய படங்களில் நடித்து தனக்கென தனி ரசிகர் பட்டாளத்தை கொண்டுள்ளார்.
இவர் தற்போது ஸ்ரீ கணேஷ் இயக்கத்தில் குருதி ஆட்டம் திரைப்படத்தில் நடித்து வருகிறார். இந்த படத்தில் அதர்வாவுக்கு ஜோடியாக ப்ரியா பவானி சங்கர் நடிக்கிறார்.
சமீபத்தில் நடிகை அதர்வாவின் தம்பி ஆகாஷூக்கும் மாஸ்டர் திரைப்படத்தின் தயாரிப்பாளரான சேவியர் பிரிட்டோவின் மகள் சினேகாவுக்கும் உறவினர்கள் மற்றும் நண்பர்கள் சூழ சிறிய அளவில் திருமணம் நடந்தேறியது.
இதை தொடர்ந்து விரைவில் நடிகர் அதர்வாவும் கோவாவிலுள்ள தனது காதலியை திருமணம் செய்ய உள்ளதாகவும் இவரது திருமணமும் இவரது தம்பி ஆகாஷ் வரவேற்பு நிகழ்ச்சியும் ஒன்றாக நடந்தாலும் நடக்கும் என்றும் தற்போது தகவல் வந்துள்ளது.
