தமிழ் சினிமாவில் முன்னணி நடிகர்களில் ஒருவராக வலம் வருபவர் விஜய். இவரது ரசிகர்கள் ‘தளபதி’ என்று அன்போடு அழைத்து வருகிறார்கள். விஜய்யின் கடைசி படமான ‘வாரிசு’-வை வம்சி இயக்கியிருந்தார். இந்த ஆண்டு (2023) ஜனவரி 11-ஆம் தேதி இப்படம் ரிலீஸானது.
‘வாரிசு’-வை தொடர்ந்து விஜய்-யின் 67-வது படமான ‘லியோ’வை ‘மாஸ்டர்’ இயக்குநர் லோகேஷ் கனகராஜ் இயக்கி வருகிறார். இந்த படத்தை ‘7 ஸ்க்ரீன் ஸ்டுடியோ’ லலித் குமார் தயாரிக்கிறார். இதன் ஷூட்டிங் பரபரப்பாக நடைபெற்று வருகிறது.
சமீபத்தில், நடிகர் விஜய்-க்கு டோலிவுட்டில் பிரபல இயக்குநர்களில் ஒருவரான கோபிசந்த் மலினேனி சொன்ன கதை அவருக்கு மிகவும் பிடித்து விட்டதாம். விஜய்யின் கேரியரில் 68-வது படமான இதனை ‘மைத்ரி மூவி மேக்கர்ஸ்’ நிறுவனம் தயாரிக்கவுள்ளது. இந்நிலையில், விஜய் நடிக்காமல் மிஸ் பண்ண ஒரு சூப்பர் ஹிட் படம் குறித்த தகவல் கிடைத்துள்ளது.
2000-யில் ரிலீஸான தமிழ் படம் ‘கண்டுகொண்டேன் கண்டுகொண்டேன்’. இந்த படத்தை பாப்புலர் ஒளிப்பதிவாளர்களில் ஒருவரான ராஜீவ் மேனன் இயக்கியிருந்தார். இதில் அஜித் – மம்மூட்டி இணைந்து நடித்திருந்தனர். முதலில் அஜித் ரோலில் நடிக்க ராஜீவ் மேனன் விஜய்யை அணுகினாராம். பின், கால்ஷீட் பிரச்சனை காரணமாக விஜய்யால் இப்படத்தில் நடிக்க முடியாமல் போனதாம்.
