அஜித்தின் ‘விடாமுயற்சி’ ஷூட்டிங்கிற்கு நாள் குறித்த இயக்குநர் மகிழ் திருமேனி!

முன்னணி நடிகர்களில் ஒருவராக வலம் வருபவர் ‘தல’ அஜித். இவர் நடித்த கடைசி படமான ‘துணிவு’ இந்த ஆண்டு (2023) ஜனவரி 11-ஆம் தேதி பொங்கல் ஸ்பெஷலாக தமிழ் மற்றும் தெலுங்கில் (தெகிம்பு) ரிலீஸானது.

அஜித்தின் 61-வது படமான இதனை இயக்குநர் ஹெச் வினோத் இயக்க, போனி கபூர் தயாரித்திருந்தார். இதில் மிக முக்கிய ரோல்களில் வீரா, மஞ்சு வாரியர், சமுத்திரக்கனி, ஜான் கோக்கன், ‘பிக் பாஸ்’ சிபி ஆகியோர் நடித்திருந்தனர்.

இதனைத் தொடர்ந்து அஜித்தின் 62-வது படமான ‘விடாமுயற்சி’யை இயக்குநர் மகிழ் திருமேனி இயக்கவுள்ளார். ‘லைகா புரொடக்ஷன்ஸ்’ நிறுவனம் தயாரிக்கவுள்ள இதற்கு அனிருத் இசையமைக்கவுள்ளார். இதன் ப்ரீ-புரொடக்ஷன் பணிகள் பரபரப்பாக நடைபெற்று வருகிறது.

தற்போது, இப்படத்தின் ஷூட்டிங்கை வருகிற மே 22-ஆம் தேதி முதல் ஆரம்பிக்க திட்டமிட்டுள்ளதாக தகவல் கிடைத்துள்ளது. ஜூன் மாதத்தில் இதன் ஷூட்டிங்கில் கலந்து கொள்ளப்போகும் அஜித் இந்த படத்துக்காக 40 நாட்கள் கால்ஷீட் கொடுத்துள்ளாராம். 70 நாட்களுக்குள் மொத்த படப்பிடிப்பையும் முடிக்க இயக்குநர் மகிழ் திருமேனி ப்ளான் போட்டிருக்கிறார்.