நடிகர் அஜித் நடிப்பில் இயக்குனர் எச்.வினோத் இயக்கத்தில் உருவாகி வரும் படம் துணிவு . நேர்கொண்ட பார்வை , வலிமை படத்திற்கு பிறகு மீண்டும் இந்த கூட்டணி இணைந்து உள்ளது . போனி கபூர் இந்த படத்தை தயாரித்து உள்ளார் . இசையமைப்பாளர் ஜிப்ரான் இந்த படத்திற்கு இசையமைத்து உள்ளார் . நடிகர் சமுத்திரக்கனி , நடிகை மஞ்சு வாரியர் இந்த படத்தில் முக்கியமான பாத்திரத்தில் நடித்து உள்ளனர் .
இந்நிலையில் துணிவு படம் நள்ளிரவு 1 மணிக்கு வெளியானது . சென்னையில் உள்ள ரோகினி திரையரங்கில் அஜித் ரசிகர்கள் கொண்டாட்டத்தில் ஈடுபட்டு இருந்தனர் அப்போது அந்த திரையரங்கு வழியாக வந்த லாரியின் மீது சில ரசிகர் ஏறி நடனமாடி உள்ளனர் . அப்போது பரத்குமார் என்கிற ரசிகர் தவறி லாரியில் இருந்து கீழே விழுந்துள்ளார் இதனால் அவருக்கு முதுகு தண்டில் காயம் ஏற்பட்டு உள்ளது பின்பு மருத்துவமனையில் சிகிச்சை பலனின்றி ரசிகர் பரத் உயிர் இழந்துள்ளார் . 19- வயதான பரத்குமார் சிந்தாதரி பேட்டையை சேர்ந்தவர் ஆவார் .
