சக நடிகருக்கு பரிசு வழங்கிய அஜித் !

நடிகர் அஜித் நடிப்பில் இயக்குனர் எச்.வினோத் இயக்கத்தில் உருவாகி வரும் படம் துணிவு . நேர்கொண்ட பார்வை , வலிமை படத்திற்கு பிறகு மீண்டும் இந்த கூட்டணி இணைந்து உள்ளது . போனி கபூர் இந்த படத்தை தயாரித்து வருகிறார் . இசையமைப்பாளர் ஜிப்ரான் இந்த படத்திற்கு இசையமைத்து வருகிறார் . நடிகர் சமுத்திரக்கனி , நடிகை மஞ்சு வாரியர் இந்த படத்தில் முக்கியமான பாத்திரத்தில் நடித்து உள்ளனர் .

2023 -ஆம் ஆண்டு பொங்கல் தினத்தில் இந்த படம் வெளியாகும் என்று அறிவிக்கப்பட்டுள்ளது .உதயநிதி ஸ்டாலின் இந்த படத்தை தமிழ்நாட்டில் வெளியிடுகிறார் .

சமீபத்தில் துணிவு படத்தின் முதல் பாடல் வெளியானது . ஜிப்ரான் இசையில் ” சில்லா சில்லா ” என்கிற பாடலை அனிருத் பாடியுள்ளார் . இந்த பாடலை வைசாக் என்பவர் எழுதி உள்ளார் . சமீபத்தில் ரசிகர்கள் மத்தியில் நல்ல வரவேற்பை பெற்ற ‘ காக்கா கதை ‘ பாடலை எழுதியவர் இவர் என்பது குறிப்பிடத்தக்கது .

இந்நிலையில் துணிவு படத்தில் வில்லனாக நடித்துள்ள நடிகர் ஜான் அவர்களுக்கு நடிகர் அஜித் ” ஸ்டண்ட் பாதுகாப்பு கிட்” ஒன்றை பரிசளித்து உள்ளார் . அந்த பாதுகாப்பு உடையை அணிந்திருக்கும் புகைப்படத்தை சமூக சமூக வலைத்தளத்தில் பகிர்ந்து உள்ளார் . தற்போது இந்த புகைப்படம் வைரலாகி
வருகிறது .

#AjithKumar gifts “stunt protection kit” to his Co-actor @johnkokken1 #ThunivuPongal pic.twitter.com/yT9dm6jKmH

— Sreedhar Pillai (@sri50) December 14, 2022