பரபரப்பாக நடைபெறும் அஜித்தின் ‘விடாமுயற்சி’ ஷூட்டிங்… வைரலாகும் மாஸான போஸ்டர்ஸ்!

முன்னணி நடிகர்களில் ஒருவராக வலம் வருபவர் ‘தல’ அஜித். இவர் நடித்த கடைசி படமான ‘துணிவு’ இந்த ஆண்டு (2023) ஜனவரி 11-ஆம் தேதி பொங்கல் ஸ்பெஷலாக தமிழ் மற்றும் தெலுங்கில் (தெகிம்பு) ரிலீஸானது.

அஜித்தின் 61-வது படமான இதனை இயக்குநர் ஹெச் வினோத் இயக்க, போனி கபூர் தயாரித்திருந்தார். இதில் மிக முக்கிய ரோல்களில் வீரா, மஞ்சு வாரியர், சமுத்திரக்கனி, ஜான் கோக்கன், ‘பிக் பாஸ்’ சிபி ஆகியோர் நடித்திருந்தனர்.

இதனைத் தொடர்ந்து அஜித்தின் 62-வது படமான ‘விடாமுயற்சி’யை இயக்குநர் மகிழ் திருமேனி இயக்குகிறார். இதில் அஜித்துக்கு ஜோடியாக த்ரிஷா, ஹூமா குரேஷி என 2 ஹீரோயின்ஸ் நடிக்கவிருக்கிறார்கள், நெகட்டிவ் ரோல்களில் சஞ்சய் தத், ‘பிக் பாஸ்’ ஆரவ் நடிக்கவிருக்கின்றனர். ‘லைகா புரொடக்ஷன்ஸ்’ நிறுவனம் தயாரிக்கும் இதற்கு அனிருத் இசையமைக்கிறார்.

கடந்த அக்டோபர் 4-ஆம் தேதி அஜர்பைஜானில் ஆரம்பிக்கப்பட்ட இதன் ஷூட்டிங் பரபரப்பாக நடைபெற்று வருகிறது. ந்நிலையில், அஜித்தின் ரசிகர் ஒருவர் இப்படத்தின் போஸ்டர்ஸை டிசைன் செய்து ட்விட்டரில் வெளியிட்டுள்ளார். சூப்பராக இருக்கும் இப்போஸ்டர்ஸ் சமூக வலைத்தளங்களில் தீயாய் பரவி வருகிறது.