சஞ்சய் தத்தை நேரில் சந்தித்த அஜித்… அப்போ ‘விடாமுயற்சி’யில் வில்லன் இவர்தானா?

முன்னணி நடிகர்களில் ஒருவராக வலம் வருபவர் ‘தல’ அஜித். இவர் நடித்த கடைசி படமான ‘துணிவு’ இந்த ஆண்டு (2023) ஜனவரி 11-ஆம் தேதி பொங்கல் ஸ்பெஷலாக தமிழ் மற்றும் தெலுங்கில் (தெகிம்பு) ரிலீஸானது.

அஜித்தின் 61-வது படமான இதனை இயக்குநர் ஹெச் வினோத் இயக்க, போனி கபூர் தயாரித்திருந்தார். இதில் மிக முக்கிய ரோல்களில் வீரா, மஞ்சு வாரியர், சமுத்திரக்கனி, ஜான் கோக்கன், ‘பிக் பாஸ்’ சிபி ஆகியோர் நடித்திருந்தனர்.

இதனைத் தொடர்ந்து அஜித்தின் 62-வது படமான ‘விடாமுயற்சி’யை இயக்குநர் மகிழ் திருமேனி இயக்கவுள்ளார். இதில் அஜித்துக்கு ஜோடியாக த்ரிஷா நடிக்கவிருக்கிறார், பவர்ஃபுல்லான வில்லன் ரோலில் பாலிவுட் நடிகர் சஞ்சய் தத் நடிக்கவிருக்கிறார். ‘லைகா புரொடக்ஷன்ஸ்’ நிறுவனம் தயாரிக்கவுள்ள இதற்கு அனிருத் இசையமைக்கவுள்ளார்.

இதன் ப்ரீ-புரொடக்ஷன் பணிகள் பரபரப்பாக நடைபெற்று வருகிறது. ஷூட்டிங்கை இந்த மாதம் (செப்டம்பர்) இறுதியிலிருந்து துபாயில் ஆரம்பிக்கத் திட்டமிட்டுள்ளனர். தற்போது, துபாயில் இருக்கும் அஜித் நடிகர் சஞ்சய் தத்தை நேரில் சந்தித்து பேசியுள்ளதாக தகவல் கிடைத்துள்ளது.