“நான் என்ன கொலைகாரனா? கொள்ளைக்காரனா?”… ரசிகரிடம் ஃபன்னாக பேசிய அஜித்தின் லேட்டஸ்ட் வீடியோ!

முன்னணி நடிகர்களில் ஒருவரான ‘தல’ அஜித் நடித்து 2019-ஆம் ஆண்டு வெளியான ‘நேர்கொண்ட பார்வை’ சூப்பர் ஹிட்டானது. ஆகையால், ‘நேர்கொண்ட பார்வை’ படத்தின் இயக்குநர் ஹெச்.வினோத் மற்றும் தயாரிப்பாளர் போனி கபூருடன் மீண்டும் ‘வலிமை’-க்காக அஜித் கூட்டணி அமைத்தார்.

இந்த படம் கடந்த பிப்ரவரி 24-ஆம் தேதி தமிழ், தெலுங்கு, கன்னடம், ஹிந்தி என நான்கு மொழிகளில் திரையரங்குகளில் ரிலீஸானது. இதில் ‘தல’ அஜித் காக்கி சட்டை அணிந்து பவர்ஃபுல்லான போலீஸ் ரோலில் வலம் வந்து எதிரிகளை துவம்சம் செய்திருந்தார். இதனைத் தொடர்ந்து அஜித்தின் 61-வது படத்தை இயக்குநர் ஹெச் வினோத்தே இயக்க, போனி கபூர் தயாரிக்கிறாராம்.

இதில் மிக முக்கிய ரோல்களில் வீரா, மஞ்சு வாரியர், சமுத்திரக்கனி ஆகியோர் நடிக்கிறார்கள். இதற்கு ஜிப்ரான் இசையமைத்து வருகிறார், நீரவ் ஷா ஒளிப்பதிவு செய்கிறார். இந்த படத்தின் ஷூட்டிங் பரபரப்பாக நடைபெற்று வருகிறது. இந்த படத்துக்கு பிறகு அஜித்தின் 62-வது படத்தை விக்னேஷ் சிவன் இயக்கவிருக்கிறார்.

இந்நிலையில், பைக் ட்ரிப் சென்றிருக்கும் அஜித்தின் லேட்டஸ்ட் வீடியோ ஒன்று வெளியாகியுள்ளது. இந்த வீடியோவில் அஜித்திடம் ஒரு ரசிகர் சென்று “கடந்த மூன்று நாட்களாக உங்களை தேடிட்டே இருந்தேன் சார்” என்று சொல்ல, அதற்கு அஜித் சிரித்தபடி “தேடிட்டு இருந்தீங்களா, நான் என்ன கொலைகாரனா? கொள்ளைக்காரனா?” என்று சொல்கிறார். பின், அந்த ரசிகர் “உங்களை பார்ப்பதற்காக” என்று சொல்கிறார்.