தமிழில் 1980-ஆம் ஆண்டு வெளியான படம் ‘ஜானி’. இதில் ரஜினி டபுள் ஆக்ஷனில் நடித்திருந்தார். ஹீரோயினாக ஸ்ரீதேவி நடித்திருந்தார். இந்த படத்தை மறைந்த இயக்குநர் மகேந்திரன் இயக்கியிருந்தார். இப்படம் ரசிகர்களிடம் நல்ல வரவேற்பினை பெற்று சூப்பர் ஹிட்டானது.
இயக்குநர் மகேந்திரனின் மகனும், விஜய்யின் ‘சச்சின்’ பட இயக்குநருமான ஜான் மகேந்திரன், ‘ஜானி’ படத்தின் ரீமேக் தொடர்பாக மீடியாவுக்கு அளித்த பேட்டி ஒன்றில் “இந்த படம் நடிகர் ‘தல’ அஜித்துக்கு மிகவும் பிடித்திருந்தது. ஆகையால், என் அப்பாவை சந்தித்த அஜித், இந்த படத்தின் ரீமேக்கில் தான் நடிக்க ஆசைப்படுவதாகவும், அதை நீங்கள் இயக்கினால் தானே தயாரிக்கிறேன் என்றும் கூறினார்.
பின், எனது அப்பாவும் அப்படம் அஜித்தை வைத்து ரீமேக் செய்யப்பட்டால் நன்றாக இருக்கும்ல என்று என்னிடம் சொன்னார். இருப்பினும் அப்பாவுக்கு ஒரு படத்தை ரீமேக் செய்வதில் எப்போதுமே விருப்பம் இருந்ததில்லை. ஆதலால், ‘ஜானி’ படமும் அஜித் ஆசைப்பட்டும் ரீமேக் செய்ய முடியாமல் போனது” என்று தெரிவித்துள்ளார்.
