முன்னணி நடிகர் ‘உலக நாயகன்’ கமல் ஹாசனின் மகளாகவும், பிரபல நடிகை ஸ்ருதி ஹாசனின் தங்கையாகவும் இருந்தும் திரையுலகில் தனக்கென ஒரு ஃபார்முலாவை பிடித்து அடுத்தடுத்து படங்களில் நடித்து வருகிறார் அக்ஷரா ஹாசன். இவர் அறிமுகமான முதல் படத்திலையே இரண்டு சூப்பர் நடிகர்களான அமிதாப் பச்சனும் – தனுஷும் இணைந்து நடித்திருந்தார்கள். அது தான் ஹிந்தி படமான ‘ஷமிதாப்’.
‘ஷமிதாப்’ படத்துக்கு பிறகு அக்ஷரா ஹாசனுக்கு அடித்தது ஜாக்பாட். அடுத்தடுத்து இவரின் கால்ஷீட் டைரியில் ‘லாலி கி ஷாதி மெயின் லாட்டூ தீவானா (ஹிந்தி), விவேகம் (தமிழ்), கடாரம் கொண்டான் (தமிழ்)’ என படங்கள் குவிந்தது. இதன் பிறகு ‘ஃபிங்கர்டிப்’ என்ற வெப் சீரிஸில் நடித்தார் அக்ஷரா ஹாசன். இப்போது அக்ஷரா ஹாசன் நடிப்பில் ‘அக்னிச் சிறகுகள்’ மற்றும் ‘அச்சம் மடம் நாணம் பயிர்ப்பு’ என இரண்டு படங்கள் லைன் அப்பில் இருக்கிறது.
இதில் ‘அக்னிச் சிறகுகள்’ படத்தை நவீன் இயக்க, விஜய் ஆண்டனி – அருண் விஜய் என டபுள் ஹீரோக்கள் நடித்து கொண்டிருக்கிறார்கள். தற்போது, இதன் ஃபைனல் ஷெடியூல் ஷூட்டிங்கிற்காக படக்குழுவினர் கொல்கத்தா செல்கின்றனர் என தகவல் கிடைத்துள்ளது. இந்த ஷெடியூலில் அக்ஷரா ஹாசன் சம்பந்தப்பட்ட காட்சிகளை ஷூட் செய்ய ப்ளான் போட்டுள்ளனர்.
