புதிய படத்தின் ஃபர்ஸ்ட் லுக் ரிலீஸுக்கு நாள் குறித்த அக்ஷரா ஹாசன்!

முன்னணி நடிகர் ‘உலக நாயகன்’ கமல் ஹாசனின் மகளாகவும், பிரபல நடிகை ஸ்ருதி ஹாசனின் தங்கையாகவும் இருந்தும் திரையுலகில் தனக்கென ஒரு ஃபார்முலாவை பிடித்து அடுத்தடுத்து படங்களில் நடித்து வருகிறார் அக்ஷரா ஹாசன். இவர் அறிமுகமான முதல் படத்திலையே இரண்டு சூப்பர் நடிகர்களான அமிதாப் பச்சனும் – தனுஷும் இணைந்து நடித்திருந்தார்கள். அது தான் ஹிந்தி படமான ‘ஷமிதாப்’.

‘ஷமிதாப்’ படத்துக்கு பிறகு அக்ஷரா ஹாசனுக்கு அடித்தது ஜாக்பாட். இவரின் கால்ஷீட் டைரியில் ‘லாலி கி ஷாதி மெயின் லாட்டூ தீவானா (ஹிந்தி), விவேகம் (தமிழ்), கடாரம் கொண்டான் (தமிழ்)’ என படங்கள் குவிந்தது. இதன் பிறகு ‘ஃபிங்கர்டிப்’ என்ற வெப் சீரிஸில் நடித்தார் அக்ஷரா ஹாசன்.

இப்போது இவர் ‘அக்னிச் சிறகுகள்’ என்ற தமிழ் படத்தில் மிக முக்கிய ரோலில் நடித்து கொண்டிருக்கிறாராம். இந்நிலையில், அக்ஷரா ஹாசன் நடிக்கும் ஒரு புதிய தமிழ் படம் குறித்த தகவல் கிடைத்துள்ளது. இந்த படத்தை இயக்குநர் ராஜா ராமமூர்த்தி இயக்குகிறார். இதன் ஃபர்ஸ்ட் லுக்கை வருகிற செப்டம்பர் 14-ஆம் தேதி ரிலீஸ் செய்ய ப்ளான் போட்டுள்ளனர்.

I'm so proud to be part of this project. Looking forward to share our hard work with everyone https://t.co/RA28EYaHHq

— Akshara Haasan (@Iaksharahaasan) September 4, 2020