ப்ரித்விராஜ் – நயன்தாரா நடித்துள்ள ‘கோல்டு’… 5 நாட்களில் செய்த வசூல் எவ்ளோ தெரியுமா?

தமிழ் நாடு, கேரளா, ஆந்திரா மற்றும் தெலுங்கானாவில் மிகப் பெரிய ரசிகர் பட்டாளத்தை வைத்திருப்பவர் நடிகை நயன்தாரா. இவரை அவரது ரசிகர்கள் அன்புடன் ‘லேடி சூப்பர் ஸ்டார்’ என்று அழைத்து வருகிறார்கள். ‘லேடி சூப்பர் ஸ்டார்’ நயன்தாரா நடிப்பில் தமிழில் ‘கனெக்ட்’, இயக்குநர் துரை செந்தில்குமார் படம், இயக்குநர் நிலேஷ் கிருஷ்ணா படம், மலையாளத்தில் ‘கோல்டு’, ஹிந்தியில் ‘ஜவான்’ என ஐந்து படங்கள் லைன் அப்பில் இருந்தது.

இதில் ‘கோல்டு’ திரைப்படம் கடந்த டிசம்பர் 1-ஆம் தேதி திரையரங்குகளில் ரிலீஸானது. இந்த படத்தை ‘நேரம்’ (தமிழ் / மலையாளம்), ‘ப்ரேமம்’ (மலையாளம்) ஆகிய படங்களை இயக்கிய பிரபல இயக்குநர் அல்போன்ஸ் புத்திரன் இயக்கியுள்ளார்.

இதில் ஹீரோவாக ப்ரித்விராஜ் சுகுமாரன் நடித்துள்ளார். மேலும், மிக முக்கிய ரோல்களில் அஜ்மல், லலு அலெக்ஸ், மல்லிகா சுகுமாரன், ஷம்மி திலகன், பாபுராஜ் மற்றும் பலர் நடித்துள்ளனர்.

இதனை ‘மேஜிக் ஃபிரேம்ஸ்’ நிறுவனத்துடன் இணைந்து ப்ரித்விராஜே தனது சொந்த தயாரிப்பு நிறுவனமான ‘ப்ரித்விராஜ் புரொடக்ஷன்ஸ்’ மூலம் தயாரித்துள்ளார். தற்போது, இந்த படம் திரையரங்குகளில் வெற்றிகரமாக ஓடிக் கொண்டிருக்கிறது. இந்நிலையில், கடந்த 5 நாட்களில் இப்படம் உலக அளவில் ரூ.10.50 கோடி வசூல் செய்துள்ளதாக தகவல் கிடைத்துள்ளது.