ரஜினியின் சூப்பர் ஹிட் படத்தை நீக்கிய அமேசான் ப்ரைம், அதிர்ச்சியில் ரசிகர்கள்…!
நடிகர் திலகம் சிவாஜி கணேசன், ரஜினிகாந்த், ரம்யா கிருஷ்ணன், சௌந்தர்யா, லட்சுமி, செந்தில், ராதாரவி உள்ளிட்ட பலர் நடிப்பில் வெளியான படம் ‘படையப்பா’. அருணாச்சலா சினி கிரியேஷன்ஸ் சார்பில் ரஜினியே தயாரித்த இந்த படம் விமர்சன ரீதியாகவும், வசூல் ரீதியாகவும் பெரும் வெற்றியை பெற்றது. இந்நிலையில் லாக்டவுனை பயன்படுத்தி பல படங்களை அமேசான் நிறுவனம் வாங்கி வருகிறது. இதேப்போல படையப்பா படமும் கடந்த சில நாட்களுக்கு முன்பு அமேசான் தளத்தில் வெளியானது. பல்வேறு ரசிகர்கள் இது தொடர்பாக ட்வீட் செய்து மகிழ்ச்சியை வெளிப்படுத்தினர்.
இந்நிலையில் இந்த படம் அமேசானில் திருட்டுத்தனமாக வெளியானதாகவும், முறையான அனுமதி பெறாமல் யாரோ அமேசானில் விற்பனை செய்ததாகவும் ரஜினிகாந்திற்கு தகவல் கிடைத்தது. இவ்வாறு வெளியானதால் அதிர்ச்சியடைந்த ரஜினி, தனது அனுமதியில்லாமல் எப்படி வெளியானது என விசாரணை நடத்தினார். மேலும் அமேசானில் இதுதொடர்பாக புகார் அளித்து, இந்த படத்தின் ஸ்ட்ரீமிங் உரிமை யாருக்கும் கொடுக்கவில்லை என கூறி, படத்தை நீக்க கூறியிருக்கிறார்கள். இதனைதொடர்ந்து படையப்பா படத்தை நீக்கிய அமேசான், ரஜினியிடம் மன்னிப்பு எடுத்துக்கொண்டதாக கூறப்படுகிறது
