பாலிவுட் சினிமாவில் டாப் ஹீரோக்களில் ஒருவராக வலம் வருபவர் அமிதாப் பச்சன். இப்போது இவர் நடிப்பில் ‘ப்ராஜெக்ட் K, செக்சன் 84’ என இரண்டு படங்கள் லைன் அப்பில் இருக்கிறது. இதில் நாக் அஷ்வின் இயக்கும் ‘ப்ராஜெக்ட் K’ படம் தெலுங்கு, ஹிந்தி, தமிழ் என மூன்று மொழிகளில் உருவாகுகிறது.
இதில் ஹீரோவாக பிரபாஸ் நடிக்கிறார். சயின்ஸ்-ஃபிக்ஷன் ஜானரில் தயாராகும் இப்படத்தின் கதைக்களம் 2050-ஆம் ஆண்டு நடப்பது போல் அமைக்கப்பட்டுள்ளதாம். இப்படம் அடுத்த ஆண்டு (2024) ஜனவரி 12-ஆம் தேதி ரிலீஸாகுமாம்.
‘செக்சன் 84’ (ஹிந்தி) படத்தை இயக்குநர் ரிபு தாஸ்குப்தா இயக்கி வருகிறார். இதன் ஷூட்டிங் பரபரப்பாக நடைபெற்று வருகிறது. இந்நிலையில், அமிதாப் பச்சன் இப்படத்தின் ஷூட்டிங் ஸ்பாட்டுக்கு செல்கையில் டிராஃபிக் ஜாம் ஏற்பட்டிருக்கிறது.
உடனே, அமிதாப் பைக்கில் சென்ற ஒருவரிடம் லிஃப்ட் கேட்டு ஷூட்டிங் ஸ்பாட்டுக்கு கரெக்ட் டைமுக்கு சென்றுள்ளதாக தகவல் கிடைத்துள்ளது. இந்த தகவலை அமிதாப் பச்சனே தனது இன்ஸ்டாகிராம் பக்கத்தில் உறுதிபடுத்தியதுடன், லிஃப்ட் கொடுத்த நபருக்கு நன்றியும் தெரிவித்து அப்போது எடுத்த ஸ்டில்லையும் ஷேர் செய்துள்ளார்.
