‘பிக் பாஸ் 4’ : ‘மறுபடியும் மறுபடியும் தப்பு பண்ணாத’… அனிதா – நிஷா இடையே மோதல்!

விஜய் டிவியில் ‘உலக நாயகன்’ கமல் ஹாசன் தொகுத்து வழங்கும் ‘பிக் பாஸ்’ ரியாலிட்டி ஷோவின் சீசன் 4 கடந்த அக்டோபர் 4-ஆம் தேதி முதல் ஒளிபரப்பாகத் துவங்கி உள்ளது. தொடர்ந்து 105 நாட்கள் நடைபெறவிருக்கும் இந்த நிகழ்ச்சியில் நடிகர் ரியோ ராஜ், நடிகை சனம் ஷெட்டி, நடிகை ரேகா, மாடல் பாலாஜி முருகதாஸ், செய்தி வாசிப்பாளர் அனிதா சம்பத், நடிகை ஷிவானி நாராயணன், நடிகர் ஜித்தன் ரமேஷ், பாடகர் வேல்முருகன், நடிகர் ஆரி, மாடல் சோமசேகர், நடிகை கேப்ரில்லா, விஜய் டிவி அறந்தாங்கி நிஷா, நடிகை ரம்யா பாண்டியன், நடிகை சம்யுக்தா கார்த்திக், நடிகர் சுரேஷ் சக்கரவர்த்தி, ‘சூப்பர் சிங்கர்’ ஆஜித் ஆகிய 16 பிரபலங்கள் கலந்து கொண்டனர்.

கடந்த அக்டோபர் 15-ஆம் தேதி பிக் பாஸ் வீட்டிற்குள் வைல்ட் கார்ட் மூலம் ‘விஜய் டிவி’ மற்றும் ‘ஜீ தமிழ்’ மூலம் ஃபேமஸான தொகுப்பாளினி அர்ச்சனா என்ட்ரியானார். அதன் பிறகு ரேகா மற்றும் வேல்முருகன் எலிமினேட் செய்யப்பட்டனர். பின், வீட்டிற்குள் வைல்ட் கார்ட் மூலம் பிரபல ஆர்ஜேவும், பாடகியுமான சுசித்ரா என்ட்ரியானார். அதன் பிறகு சுரேஷ் சக்கரவர்த்தி, சுசித்ரா மற்றும் சம்யுக்தா கார்த்திக் எலிமினேட் செய்யப்பட்டனர்.

கடந்த ஞாயிற்றுக்கிழமை பிக் பாஸ் நிகழ்ச்சியில் சனம் ஷெட்டி எலிமினேட் செய்யப்பட்டார். தற்போது, விஜய் டிவி தங்களது அதிகாரப்பூர்வ ட்விட்டர் பக்கத்தில் புதிய ப்ரோமோ வீடியோவை வெளியிட்டுள்ளது. இந்த ப்ரோமோ வீடியோவில் அனிதா சம்பத் “எல்லாரும் தனியா தனியா பேர் வச்சுட்டு, இப்ப அனிதா அந்த பேரை எல்லாம் சொல்லுவாங்க அப்படின்னு சொல்லும்போதே எனக்கு ஏதோ கோர்த்து விடுற மாதிரி ஒரு ஃபீல் இருந்துச்சு. அதுனால ரியோவை சொல்றேன்” என்று சொல்கிறார்.

உடனே, அறந்தாங்கி நிஷா எழுந்து “அனிதா மறுபடியும் மறுபடியும் தப்பு பண்ணாத அனிதா” என்று சொல்கிறார். அதற்கு அனிதா “இது personal reason கிடையாது. கேம் reason தான் சொல்லியிருக்கேன். ஐடியாவை நீங்கதான் கொடுத்தீங்க” என்று சொல்கிறார். பின், நிஷா “ஐடியா நானா கொடுத்தேன்?” என்று சொல்கிறார். அதன் பிறகு அனிதா “concept-ஏ வேண்டாம்னு சொல்லியிருக்கலாம்ல அக்கா” என்று சொல்கிறார். அதற்கு நிஷா “concept வேண்டாம்னு அவன் சொன்னான்” என்று சொல்கிறார். பின், அனிதா “அப்போ concept-அ வேண்டாம்னு சொல்லாம ஏன் பேர் வைக்குறீங்க நீங்களும்?” என்று சொல்கிறார். இவ்வீடியோ சமூக வலைத்தளங்களில் தீயாய் பரவி வருகிறது.