‘பிக் பாஸ் 4’ : கணவரைப் பற்றி கண்கலங்கி பேசும் அனிதா… சிரித்த ஹவுஸ்மேட்ஸ்!

விஜய் டிவியில் ‘உலக நாயகன்’ கமல் ஹாசன் தொகுத்து வழங்கும் ‘பிக் பாஸ்’ ரியாலிட்டி ஷோவின் சீசன் 4 கடந்த அக்டோபர் 4-ஆம் தேதி முதல் ஒளிபரப்பாகத் துவங்கி உள்ளது . இந்த சீசன் 4-யில் கலந்து கொள்ளப்போகும் பிரபலங்கள் யார்? என தெரிந்து கொள்ள ரசிகர்கள் ஆர்வமாக இருந்தார்கள். தினமும் பல பிரபலங்களின் பெயர்களை குறிப்பிட்ட வண்ணம் இருந்தது கோலிவுட் வட்டாரம்.

தொடர்ந்து 105 நாட்கள் நடைபெறவிருக்கும் இந்த நிகழ்ச்சியில் நடிகர் ரியோ ராஜ், நடிகை சனம் ஷெட்டி, நடிகை ரேகா, மாடல் பாலாஜி முருகதாஸ், செய்தி வாசிப்பாளர் அனிதா சம்பத், நடிகை ஷிவானி நாராயணன், நடிகர் ஜித்தன் ரமேஷ், பாடகர் வேல்முருகன், நடிகர் ஆரி, மாடல் சோமசேகர், நடிகை கேப்ரில்லா, விஜய் டிவி அறந்தாங்கி நிஷா, நடிகை ரம்யா பாண்டியன், நடிகை சம்யுக்தா கார்த்திக், நடிகர் சுரேஷ் சக்கரவர்த்தி, ‘சூப்பர் சிங்கர்’ ஆஜித் ஆகிய 16 பிரபலங்கள் கலந்து கொண்டனர்.

கடந்த அக்டோபர் 15-ஆம் தேதி பிக் பாஸ் வீட்டிற்குள் வைல்ட் கார்ட் மூலம் ‘விஜய் டிவி’ மற்றும் ‘ஜீ தமிழ்’ மூலம் ஃபேமஸான தொகுப்பாளினி அர்ச்சனா என்ட்ரியானார். கடந்த வாரம் ஞாயிற்றுக்கிழமை பிக் பாஸ் ஷோவில் ரேகா எலிமினேட் செய்யப்பட்டார். தற்போது, விஜய் டிவி தங்களது அதிகாரப்பூர்வ ட்விட்டர் பக்கத்தில் புதிய ப்ரோமோ வீடியோவை வெளியிட்டுள்ளது. இந்த ப்ரோமோ வீடியோவில் அனிதா சம்பத் “நான் மிஸ் பண்ற முதல் ஆள் என் husband மட்டும் தான்.

எங்க அப்பாவை நான் தொட்டுக்கூட பார்த்தது இல்ல. அதுனால ஒரு gents-ஓட பாசம்னு ஒன்னு இருக்கும். அந்த மாதிரியான பாசமே கிடைச்சது இல்ல. so முதல் முறையா அது வந்து பிரபாகிட்ட இருந்து தான் எனக்கு கிடைச்சது. எப்பவுமே அவன் என்ன பத்தி மட்டும் தான் நினைப்பான். அப்போதிருந்தே அனிதா தான் அவனுக்கு first” என்று சொல்லி அழுகிறார். அப்போது சம்யுக்தா கார்த்திக் “அனிதா sorry to interrupt. but ரொம்ப long-ஆ போகுதுடா” என்று அனிதாவிடம் சொல்கிறார். அதற்கு ரம்யா பாண்டியன், ஆஜித், பாலாஜி முருகதாஸ், ஷிவானி நாராயணன் ஆகியோர் சிரித்துக் கொண்டிருக்கிறார்கள். பின், அனிதா “ஐ அம் சாரி” என்று சொல்கிறார். இவ்வீடியோ சமூக வலைத்தளங்களில் தீயாய் பரவி வருகிறது.