தென் மொழிகளான தமிழ், தெலுங்கில் உள்ளிட்டவற்றில் முன்னணி நடிகையாக இருப்பவர் நடிகை அனுஷ்கா. இவர் நடித்த கடைசி படம் பாகுபலி, தற்போது இவர் நடித்துள்ள சைலன்ஸ் திரைப்படம் கொரோனா ஊரடங்கு முடிந்த பிறகு திரைக்கு வரும் என எதிர்பார்க்கப்படுகிறது.
இந்நிலையில் நடிகை அனுஷ்காவை இன்ஸ்டாகிராமில் பின் தொடருவோர் எண்ணிக்கை 3 மில்லியன் அதாவது 30 லட்சத்தை கடந்துள்ளது. இதற்காக நன்றி தெரிவித்துள்ள அனுஷ்கா இது குறித்து கூறுகையில், “நிபந்தனையற்ற உங்களின் அன்பு மற்றும் ஆதரவுக்கு எப்போதும் நன்றி. நீங்கள் அனைவரும் பொறுப்புடன் வீட்டில் பாதுகாப்பாக இருப்பீர்கள் என நம்புகிறேன்” என தெரிவித்துள்ளார்.
உடல் அதிகளவு எடை போட்டதால், படங்களில் நடிப்பதை தவிர்த்து வந்த அனுஷ்கா, பிரபாஸை திருமணம் செய்து கொள்வார் என எதிர்ப்பார்க்கப்பட்ட நிலையில், அவருக்கு சிரஞ்சீவி உறவினருடன் திருமணம் முடிவாகியுள்ளது.
