“மனைவிக்கு தமிழ் வராதா?”… கஸ்தூரியின் கேள்விக்கு நச்னு பதில் சொன்ன ஏ.ஆர்.ரஹ்மான்!

சினிமாவில் டாப் இசையமைப்பாளர்களில் ஒருவராக வலம் வருபவர் ஏ.ஆர்.ரஹ்மான். ஏ.ஆர்.ரஹ்மான் இசையமைத்த முதல் படத்தின் ஆல்பமே மெகா ஹிட்டானது. அந்த படம் தான் ‘ரோஜா’. இந்த படத்தை இயக்குநர் மணிரத்னம் இயக்கியிருந்தார். ‘ரோஜா’ படத்தின் ஹிட்டிற்கு பிறகு இசையமைப்பாளர் ஏ.ஆர்.ரஹ்மானுக்கு அடித்தது ஜாக்பாட்.

அடுத்தடுத்து பல படங்களுக்கு இசையமைக்க ஏ.ஆர்.ரஹ்மான் ஒப்பந்தமானார். தமிழ் மொழி மட்டுமின்றி மலையாளம், தெலுங்கு, ஹிந்தி, ஆங்கிலம் ஆகிய மொழிகளிலும் இசையமைத்த ஏ.ஆர்.ரஹ்மானின் பல பாடல்கள் ரசிகர்களின் ப்ளேலிஸ்டில் உள்ளது. ‘ஸ்லம்டாக் மில்லியனர்’ படத்துக்காக இரண்டு ஆஸ்கார் விருதுகளை ஏ.ஆர்.ரஹ்மான் வாங்கியது குறிப்பிடத்தக்கது.

இப்போது ‘இசை புயல்’ ஏ.ஆர்.ரஹ்மான் இசையில் சிவகார்த்திகேயனின் ‘அயலான்’, உதயநிதி ஸ்டாலினின் ‘மாமன்னன்’, கமல் ஹாசன் – மணிரத்னம் கூட்டணியில் உருவாகும் படம் என மூன்று தமிழ் படங்கள் லைன் அப்பில் இருக்கிறது. சமீபத்தில், ஒரு விருது வழங்கும் விழா மேடையில் ஏ.ஆர்.ரஹ்மான் அவரது மனைவி சாய்ரா பானுவிடம் “ஹிந்தியில் பேசாதீங்க, தமிழ்ல பேசுங்க ப்ளீஸ்” என்று கூறினார்.

பின், அவர் மனைவி தனக்கு தமிழில் சரளமாக பேச வராது என்று குறிப்பிட்டு, ஆங்கிலத்தில் பேசினார். தற்போது, இந்த வீடியோ பதிவை தனது ட்விட்டர் பக்கத்தில் ஷேர் செய்த பிரபல நடிகை கஸ்தூரி “என்னது ஆர் ரஹ்மான் அவர்களின் மனைவிக்கு தமிழ் வராதா? அவங்க தாய் மொழி என்ன ? வீட்டுல குடும்பத்தில என்ன பேசுவாங்க?” என்று பதிவிட்டுள்ளார். இதற்கு ஏ.ஆர்.ரஹ்மான் “காதலுக்கு மரியாதை” என்று பதில் ட்வீட் போட்டுள்ளார்.