‘பிக் பாஸ் 4’ : ;அந்த 10 நிமிஷம் கூட கேம் தான’… அர்ச்சனா – அனிதா இடையே மோதல்!

விஜய் டிவியில் ‘உலக நாயகன்’ கமல் ஹாசன் தொகுத்து வழங்கும் ‘பிக் பாஸ்’ ரியாலிட்டி ஷோவின் சீசன் 4 கடந்த அக்டோபர் 4-ஆம் தேதி முதல் ஒளிபரப்பாகத் துவங்கி உள்ளது. தொடர்ந்து 105 நாட்கள் நடைபெறவிருக்கும் இந்த நிகழ்ச்சியில் நடிகர் ரியோ ராஜ், நடிகை சனம் ஷெட்டி, நடிகை ரேகா, மாடல் பாலாஜி முருகதாஸ், செய்தி வாசிப்பாளர் அனிதா சம்பத், நடிகை ஷிவானி நாராயணன், நடிகர் ஜித்தன் ரமேஷ், பாடகர் வேல்முருகன், நடிகர் ஆரி, மாடல் சோமசேகர், நடிகை கேப்ரில்லா, விஜய் டிவி அறந்தாங்கி நிஷா, நடிகை ரம்யா பாண்டியன், நடிகை சம்யுக்தா கார்த்திக், நடிகர் சுரேஷ் சக்கரவர்த்தி, ‘சூப்பர் சிங்கர்’ ஆஜித் ஆகிய 16 பிரபலங்கள் கலந்து கொண்டனர்.

கடந்த அக்டோபர் 15-ஆம் தேதி பிக் பாஸ் வீட்டிற்குள் வைல்ட் கார்ட் மூலம் ‘விஜய் டிவி’ மற்றும் ‘ஜீ தமிழ்’ மூலம் ஃபேமஸான தொகுப்பாளினி அர்ச்சனா என்ட்ரியானார். அதன் பிறகு ரேகா மற்றும் வேல்முருகன் எலிமினேட் செய்யப்பட்டனர். பின், வீட்டிற்குள் வைல்ட் கார்ட் மூலம் பிரபல ஆர்ஜேவும், பாடகியுமான சுசித்ரா என்ட்ரியானார். அதன் பிறகு சுரேஷ் சக்கரவர்த்தி, சுசித்ரா மற்றும் சம்யுக்தா கார்த்திக் எலிமினேட் செய்யப்பட்டனர்.

கடந்த ஞாயிற்றுக்கிழமை பிக் பாஸ் நிகழ்ச்சியில் சனம் ஷெட்டி எலிமினேட் செய்யப்பட்டார். தற்போது, விஜய் டிவி தங்களது அதிகாரப்பூர்வ ட்விட்டர் பக்கத்தில் புதிய ப்ரோமோ வீடியோவை வெளியிட்டுள்ளது. இந்த ப்ரோமோ வீடியோவில் கண்ணாடி அறையில் இருக்கும் அனிதா சம்பத்திடம், வெளியே நிற்கும் அர்ச்சனா “பசரோட பத்து நிமிஷத்திற்கு முன்னாடி தான் நான் அது உடைஞ்சது அங்க” என்று சொல்கிறார்.

அதற்கு அனிதா “okay anyway” என்று சொல்கிறார். பின், அர்ச்சனா “no it is not anyway. it is not anyway” என்று சொல்கிறார். அதற்கு அனிதா “இல்ல அக்கா அந்த 10 நிமிஷம் கூட கேம் தான” என்று சொல்கிறார். பின், அர்ச்சனா “அந்த 10 நிமிஷத்துல கூட நான் ரோபோவா தான் continue பண்ணேன்” என்று சொல்கிறார். அதற்கு அனிதா “அக்கா நான் அதெல்லாம் எடுக்கவே இல்ல” என்று சொல்கிறார்.

பின், அர்ச்சனா “இல்ல நான் சொல்லிடுறேன். நீங்க அழுததுனால அது boring ஆயிடுச்சுன்னு சொல்றீங்கள்ல” என்று சொல்கிறார். அதற்கு அனிதா “நீங்க அழுததுனாலன்னு சொல்லல. நிஷா அக்கா அதை ஆரம்பிச்சதுனால தான்” என்று பேசிக் கொண்டிருக்கும்போதே அர்ச்சனா இடையில் ஏதோ சொல்லிவிட்டு அந்த இடத்தில் இருந்து நகர்ந்து செல்கிறார். அதன் பிறகு அனிதா “நீங்களே இவ்ளோ சீரியஸ் ஆகுற அளவுக்கு நிஷா அக்கா அப்போ பேசியிருக்காங்க” என்று சொல்கிறார். இவ்வீடியோ சமூக வலைத்தளங்களில் தீயாய் பரவி வருகிறது.

#Day68 #Promo2 of #BiggBossTamil #பிக்பாஸ் – தினமும் இரவு 9:30 மணிக்கு நம்ம விஜய் டிவில.. #BBTamilSeason4 #BiggBossTamil4 #VijayTelevision pic.twitter.com/fWqNX57lzY

— Vijay Television (@vijaytelevision) December 11, 2020