‘பிக் பாஸ் 4’ : “நீ வேண்டாம்னு சொன்னா நான் எங்கடா போவேன் பாலாஜி”… கதறி அழுத அர்ச்சனா!

விஜய் டிவியில் ‘உலக நாயகன்’ கமல் ஹாசன் தொகுத்து வழங்கும் ‘பிக் பாஸ்’ ரியாலிட்டி ஷோவின் சீசன் 4 கடந்த அக்டோபர் 4-ஆம் தேதி முதல் ஒளிபரப்பாகத் துவங்கி உள்ளது . இந்த சீசன் 4-யில் கலந்து கொள்ளப்போகும் பிரபலங்கள் யார்? என தெரிந்து கொள்ள ரசிகர்கள் ஆர்வமாக இருந்தார்கள். தினமும் பல பிரபலங்களின் பெயர்களை குறிப்பிட்ட வண்ணம் இருந்தது கோலிவுட் வட்டாரம்.

தொடர்ந்து 105 நாட்கள் நடைபெறவிருக்கும் இந்த நிகழ்ச்சியில் நடிகர் ரியோ ராஜ், நடிகை சனம் ஷெட்டி, நடிகை ரேகா, மாடல் பாலாஜி முருகதாஸ், செய்தி வாசிப்பாளர் அனிதா சம்பத், நடிகை ஷிவானி நாராயணன், நடிகர் ஜித்தன் ரமேஷ், பாடகர் வேல்முருகன், நடிகர் ஆரி, மாடல் சோமசேகர், நடிகை கேப்ரில்லா, விஜய் டிவி அறந்தாங்கி நிஷா, நடிகை ரம்யா பாண்டியன், நடிகை சம்யுக்தா கார்த்திக், நடிகர் சுரேஷ் சக்கரவர்த்தி, ‘சூப்பர் சிங்கர்’ ஆஜித் ஆகிய 16 பிரபலங்கள் கலந்து கொண்டனர்.

கடந்த அக்டோபர் 15-ஆம் தேதி பிக் பாஸ் வீட்டிற்குள் வைல்ட் கார்ட் மூலம் ‘விஜய் டிவி’ மற்றும் ‘ஜீ தமிழ்’ மூலம் ஃபேமஸான தொகுப்பாளினி அர்ச்சனா என்ட்ரியானார். கடந்த வாரம் ஞாயிற்றுக்கிழமை பிக் பாஸ் ஷோவில் ரேகா எலிமினேட் செய்யப்பட்டார். தற்போது, விஜய் டிவி தங்களது அதிகாரப்பூர்வ ட்விட்டர் பக்கத்தில் புதிய ப்ரோமோ வீடியோவை வெளியிட்டுள்ளது. இந்த ப்ரோமோ வீடியோவில் “உனக்கு என்ன பிடிக்கலைங்குறது இன்னைக்கு மட்டும் கிடையாது. உன்ன first-ல இருந்தே எனக்கு பிடிக்கல.

எனக்குள்ள இருக்குற அம்மா திரும்ப திரும்ப நான் மிஸ் பண்ற ஒரு குழந்தைய உனக்குள்ள தேடிட்டு இருக்கேன். நான் அந்த குழந்தை இல்லைன்னு நீங்க எனக்கு சொல்லியாச்சு. நான் தள்ளி நிக்குறேன். எனக்கு தெரியுது, உனக்குள்ள அது இல்லன்னு தெரியுது. என்ன நீ வேண்டாம் வேண்டாம்னு சொன்னா நான் எங்கடா போவேன். எனக்கு நீ புள்ளையா வேணும்டா. எனக்கு புள்ள கிடையாதுடா” என்று பாலாஜியிடம் கூறி கதறி அழுகிறார் அர்ச்சனா. அதற்கு பாலாஜி முருகதாஸ் “ஐ அம் சாரி” என்று சொல்கிறார். இவ்வீடியோ சமூக வலைத்தளங்களில் தீயாய் பரவி வருகிறது.