‘பிக் பாஸ் 4’ : “அது நடிப்புன்னு நான் நினைக்குறேன்”… நிஷாவை வறுத்தெடுக்கும் அர்ச்சனா!

விஜய் டிவியில் ‘உலக நாயகன்’ கமல் ஹாசன் தொகுத்து வழங்கும் ‘பிக் பாஸ்’ ரியாலிட்டி ஷோவின் சீசன் 4 கடந்த அக்டோபர் 4-ஆம் தேதி முதல் ஒளிபரப்பாகத் துவங்கி உள்ளது. தொடர்ந்து 105 நாட்கள் நடைபெறவிருக்கும் இந்த நிகழ்ச்சியில் நடிகர் ரியோ ராஜ், நடிகை சனம் ஷெட்டி, நடிகை ரேகா, மாடல் பாலாஜி முருகதாஸ், செய்தி வாசிப்பாளர் அனிதா சம்பத், நடிகை ஷிவானி நாராயணன், நடிகர் ஜித்தன் ரமேஷ், பாடகர் வேல்முருகன், நடிகர் ஆரி, மாடல் சோமசேகர், நடிகை கேப்ரில்லா, விஜய் டிவி அறந்தாங்கி நிஷா, நடிகை ரம்யா பாண்டியன், நடிகை சம்யுக்தா கார்த்திக், நடிகர் சுரேஷ் சக்கரவர்த்தி, ‘சூப்பர் சிங்கர்’ ஆஜித் ஆகிய 16 பிரபலங்கள் கலந்து கொண்டனர்.

கடந்த அக்டோபர் 15-ஆம் தேதி பிக் பாஸ் வீட்டிற்குள் வைல்ட் கார்ட் மூலம் ‘விஜய் டிவி’ மற்றும் ‘ஜீ தமிழ்’ மூலம் ஃபேமஸான தொகுப்பாளினி அர்ச்சனா என்ட்ரியானார். அதன் பிறகு ரேகா மற்றும் வேல்முருகன் எலிமினேட் செய்யப்பட்டனர். பின், வீட்டிற்குள் வைல்ட் கார்ட் மூலம் பிரபல ஆர்ஜேவும், பாடகியுமான சுசித்ரா என்ட்ரியானார். அதன் பிறகு சுரேஷ் சக்கரவர்த்தி, சுசித்ரா மற்றும் சம்யுக்தா கார்த்திக் எலிமினேட் செய்யப்பட்டனர்.

கடந்த ஞாயிற்றுக்கிழமை பிக் பாஸ் நிகழ்ச்சியில் சனம் ஷெட்டி எலிமினேட் செய்யப்பட்டார். தற்போது, விஜய் டிவி தங்களது அதிகாரப்பூர்வ ட்விட்டர் பக்கத்தில் புதிய ப்ரோமோ வீடியோவை வெளியிட்டுள்ளது. இந்த ப்ரோமோ வீடியோவில் ‘புதிய மனிதா’ டாஸ்கின் போது அறந்தாங்கி நிஷாவிடம் அர்ச்சனா “நிஷா நேற்று என்கூட அப்படி பண்ணது நியாயமா? பதில் சொல்லுங்க? அதுக்காக வருத்தப்பட்டீங்களா?” என்று கேட்கிறார். அதற்கு நிஷா “மனது உடைந்து விட்டேன்” என்று சொல்கிறார்.

பின், அர்ச்சனா “அது நடிப்புன்னு நான் நினைக்குறேன். முழுக்க முழுக்க அது நடிப்புன்னு நான் நினைக்குறேன். கேம்னு வந்தா நான் ரொம்ப சீரியஸா விளையாடுவேன். விளையாடாத தொங்கு” என்று சொல்கிறார். அதன் பிறகு நிஷா “என்னை சிரிக்க கூடாது” என்று சொல்லி முடிப்பதற்குள் அர்ச்சனா “இல்ல இல்ல உங்களுக்கு என்னோட சோகமும், கோபமும் எந்த அளவுக்கு தெரியுமோ, அந்த அளவுக்கு கோபமும், சோகமும் எனக்கும் தெரியும்” என்று சொல்கிறார். இவ்வீடியோ சமூக வலைத்தளங்களில் தீயாய் பரவி வருகிறது.