உலக நாயகன் கமல்ஹாசனின் “தலைவன் இருக்கின்றான்” என்ற பெயரில் நேரலை நிகழ்ச்சி ஒன்று நடைபெறவுள்ளது. இதில், இசைபுயலுடன், கமல்ஹாசன் கலந்து கொள்ளவுள்ளார்.
சினிமா பையன் அபிஷேக் ராஜா கடந்த சில நாட்களுக்கு முன்பு தலைவன் இருக்கின்றான் என்ற பெயரில் நேரலை நிகழ்ச்சி ஒன்றை தொகுத்து வழங்கினார். அதில் விஜய் சேதுபதி, கமல்ஹாசன் கலந்து கொண்டு பல்வேறு விஷயங்கள் குறித்து பேசினர். இந்நிலையில் அதே போன்ற நிகழ்ச்சி அதே பெயரில் நடைபெறும் என்று அறிவிக்கப்பட்டுள்ளது. இதில் விஜய் சேதுபதிக்கு பதில் ஏ.ஆர்.ரஹ்மான்.
நடிகர் கமல் தனது படங்களின் பாடல்களை அவரே பாடுவது வழக்கம். இதனால் தெனாலி படத்தில் கமலுக்கும் ARRகும் மனகசப்பு இருந்ததாக கூறப்படுகிறது. அதற்குப் பின் ஒன்று சேராத இந்த கூட்டணி , சுமார் 19 ஆண்டுகளுக்குப் பிறகு தற்போது தலைவன் இருக்கிறான் என்ற படத்தின் மூலமாக ஒன்றிணைந்துள்ளது. அதற்கு முன்னோட்டமாக இந்த நிகழ்ச்சி இருக்கும் என்று எதிர்ப்பார்க்கப்படுகிறது. இவர்கள் இந்த நிகழ்ச்சியில் சினிமா, இசை ,நாட்டுநடப்பு போன்ற சுவாரஸ்யமான தலைப்புகள் பற்றி கலந்துரையாடுவர்கள் என்று எதிர்பார்க்கப்படுகிறது.
இந்த தலைவன் இருக்கிறான் நிகழ்ச்சியை ஃபேஸ்புக் , இன்ஸ்டாகிராம் ,ட்விட்டர் பக்கங்களின் ஜுன் 11 மாலை 5 மணிக்கு நேரலையில் ஒளிபரப்ப திட்டமிட்டுள்ளார். இந்த நிகழ்ச்சியை ராஜ்கமல் பிலிம்ஸ், ஓபன் பண்ணா மீடியா மற்றும் டர்மரிக் மீடியா தயாரித்துள்ளனர். இரண்டு பெரிய பிரபலங்கள் இணையும் இந்த நிகழ்ச்சி காண மக்கள் ஆர்வத்துடன் எதிர்நோக்கிக் காத்திருக்கின்றனர்.
