பிரபல நடிகர் விஜயகுமாரின் மகனாக இருந்தும், ஆரம்பத்தில் அருண் விஜய் நடித்த சில படங்கள் தோல்வி அடைந்தது. ஆனாலும், அவர் தன்னம்பிக்கையுடன் போராடி தானும் ஒரு மகா நடிகன் தான் என்று நிரூபித்துக் காட்டியிருக்கிறார். அருண் விஜய்யின் நடிப்புக்கு சரியான தீனியாக அமைந்தது ‘என்னை அறிந்தால்’ திரைப்படம் தான்.
ஹீரோ அஜித்துக்கு எதிரியாக நடித்து அப்ளாஸ் வாங்கினார் அருண் விஜய். ‘என்னை அறிந்தால்’ படத்துக்கு பிறகு அருண் விஜய்-க்கு அடித்தது ஜாக்பாட். அடுத்ததாக அவரின் கால்ஷீட் டைரியில் ‘குற்றம் 23, செக்கச்சிவந்த வானம், தடம், சாஹோ, மாஃபியா : அத்தியாயம் ஒன்று’ என படங்கள் குவிந்தது. இப்போது, அருண் விஜய் நடிப்பில் ‘பாக்ஸர், சினம், வா டீல், அக்னிச் சிறகுகள்’ மற்றும் இயக்குநர்கள் அறிவழகன் – ஹரி படங்கள் என ஆறு படங்கள் லைன் அப்பில் இருக்கிறது.
இதில் அறிவழகன் இயக்கும் படத்துக்கு ‘பார்டர்’ என தலைப்பு வைத்திருப்பதாக சொல்லப்படுகிறது. ஆனால், இன்னும் அதிகாரப்பூர்வமாக அறிவிக்கவில்லை. இந்நிலையில், நேற்று (டிசம்பர் 7-ஆம் தேதி) முதல் இந்த படத்தின் ஃபைனல் ஷெடியூல் ஷூட்டிங்கை ஆரம்பித்துள்ளதாக தயாரிப்பு நிறுவனம் அறிவித்துள்ளது. இதில் ஹீரோயினாக ரெஜினா கசாண்ட்ரா நடிக்கிறாராம்.
Onwards and upwards 💪🏾#AV31 @arunvijayno1 @dirarivazhagan @SamCSmusic @ReginaCassandra @StefyPatel @proyuvraaj @UVCommunication @DoneChannel1 @ConzeptNoteOff @UmeshPranav @viwinsr https://t.co/PKhK7WsgW3 pic.twitter.com/5WTzVbVX7t
— All In Pictures (@All_In_Pictures) December 7, 2020
Home