மோகன்லாலுக்கு பதிலாக நடித்த அரவிந்த் சாமி… அந்த சூப்பர் ஹிட் படம் எது தெரியுமா?

சினிமாவில் டாப் ஹீரோக்களில் ஒருவராக வலம் வருபவர் மோகன் லால். இவருக்கு அமைந்த முதல் மலையாள படமே சூப்பர் ஹிட்டானது. அது தான் ‘மஞ்சில் விரிஞ்ச பூக்கள்’. இந்த படத்தை இயக்குநர் பாசில் இயக்கியிருந்தார். இந்த படத்துக்கு பிறகு மலையாள மொழியில் பல படங்களில் நடித்தார். பின், 1997-ஆம் ஆண்டு வெளியான ‘இருவர்’ படத்தின் மூலம் தமிழ் திரையுலகில் என்ட்ரியானார்.

இந்த படத்தை பிரபல இயக்குநர் மணிரத்னம் இயக்கியிருந்தார். ‘இருவர்’ படத்துக்கு பிறகு நடிகர் மோகன் லாலுக்கு அடித்தது ஜாக்பாட். அடுத்தடுத்து இவரின் கால்ஷீட் டைரியில் ‘பாப் கார்ன், உன்னைப்போல் ஒருவன், ஜில்லா, காப்பான்’ என தமிழ் படங்கள் குவிந்தது. இது தவிர ‘சிறைச்சாலை, அரண்’ போன்ற படங்கள் மலையாளத்தில் எடுக்கப்பட்டு தமிழ் மொழியில் டப் செய்யப்பட்டு வெளியானது.

மோகன் லால் மலையாளம் மற்றும் தமிழ் மொழி படங்கள் மட்டுமில்லாமல் ஹிந்தி, தெலுங்கு, கன்னடம் ஆகிய மொழி படங்களிலும் நடித்து ரசிகர்களிடம் அப்ளாஸ் வாங்கியிருக்கிறார். இப்போது, மோகன் லால் நடிப்பில் எட்டு மலையாள படங்கள் லைன் அப்பில் இருக்கிறது. இந்நிலையில், மோகன்லால் நடிக்காமல் மிஸ் பண்ண ஒரு மெகா ஹிட் படம் குறித்த தகவல் கிடைத்துள்ளது. 2000-யில் ரிலீஸான தமிழ் படம் ‘அலைபாயுதே’.

இந்த படத்தை டாப் இயக்குநர்களில் ஒருவரான மணிரத்னம் இயக்கியிருந்தார். இதில் ஹீரோவாக மாதவன் நடித்திருந்தார். மேலும், முக்கிய ரோலில் அரவிந்த் சாமி நடித்திருந்தார். ஆனால், அந்த ரோலில் நடிக்க வைக்க வேண்டுமென இயக்குநர் மணிரத்னத்தின் முதல் சாய்ஸாக இருந்தது மோகன்லால் தானாம். பின், சில காரணங்களால் மோகன்லாலினால் இப்படத்தில் நடிக்க முடியாமல் போனதாம்.