வெங்கடேஷுக்கு பதிலாக நடித்த அரவிந்த் சாமி… அந்த சூப்பர் ஹிட் படம் எது தெரியுமா?

தெலுங்கு சினிமாவில் டாப் ஹீரோக்களில் ஒருவராக வலம் வருபவர் வெங்கடேஷ். இப்போது இவர் நடிப்பில் உருவாகி வரும் புதிய படம் ‘சைந்தவ்’. இந்த படத்தை பிரபல இயக்குநர் சைலேஷ் கோலானு இயக்குகிறார்.

இதற்கு பாப்புலர் இசையமைப்பாளர்களில் ஒருவரான சந்தோஷ் நாராயணன் இசையமைக்கிறார். வெங்கடேஷின் 75-வது படமான இதனை ‘நிஹரிகா எண்டர்டெயின்மெண்ட்’ என்ற நிறுவனம் தயாரிக்கிறது.

இப்படத்தை இந்த ஆண்டு (2023) டிசம்பர் 22-ஆம் தேதி தெலுங்கு மொழி மட்டுமில்லாமல் தமிழ், ஹிந்தி, கன்னடம், மலையாளம் என ஐந்து மொழிகளில் ரிலீஸ் செய்ய ப்ளான் போட்டுள்ளனர். இந்நிலையில், வெங்கடேஷ் நடிக்காமல் மிஸ் பண்ண ஒரு சூப்பர் ஹிட் படம் குறித்த தகவல் கிடைத்துள்ளது.

1992-யில் ரிலீஸான தமிழ் படம் ‘ரோஜா’. இந்த படத்தை டாப் இயக்குநர்களில் ஒருவரான மணிரத்னம் இயக்கியிருந்தார். இதில் ஹீரோவாக அரவிந்த் சாமி நடித்திருந்தார். அப்போது மணிரத்னம் இந்த படத்தில் நடிக்க வெங்கடேஷை அணுகினாராம். பின், கால்ஷீட் பிரச்சனை காரணமாக வெங்கடேஷால் இப்படத்தில் நடிக்க முடியாமல் போனதாம்.