பாலியல் தொல்லையில் சிக்கிய பிரபல நடிகர்!

பட வாய்ப்புக்காக தயாரிப்பாளர் ஒருவரை சந்தித்த போது தனக்கு நடந்த சம்பவத்தை ஆயுஷ்மான் குரானா பகிரங்கமாக வெளிப்படுத்தியுள்ளார்.

ஹாலிவுட் முதல் கோலிவுட் வரை நடிகைகள் அனைவரும் சந்திக்கும் ஒரே பிரச்சனை பாலியல் தொல்லை. படுக்கைக்கு வந்தால் தான் பட வாய்ப்பு என தயாரிப்பாளர், ஹீரோ, இயக்குநரால் மிரட்டப்படுவதாக பல நடிகைகளும் பகீர் குற்றச்சாட்டுகளை முன்வைத்தனர். மலை அளவிற்கு குவிந்த புகார்களுக்கு பதிலடி கொடுக்கும் நோக்கில் பாதிக்கப்பட்ட பெண்கள் அனைவரும் இணைந்து மீ டூ என்ற அமைப்பை தொடங்கினர். பல பிரபலங்கள் தங்களுக்கு நேர்ந்த கொடுமைகளை ட்விட்டர், ஃபேஸ்புக் உள்ளிட்ட சமூக வலைத்தளங்களில் பகிர ஆரம்பித்தனர்.

படிப்படியாக முன்னேறி பாலிவுட்டின் முன்னணி நடிகர்களில் ஒருவராக ஆகியுள்ளார் ஆயுஷ்மான் குரானா. சிறந்த நடிகருக்கான தேசிய விருது பெற்றுள்ளார். இந்நிலையில் நடிக்க வந்த புதிதில் தான் பட்ட கஷ்டங்கள் குறித்து ஆயுஷ்மான் பேட்டி ஒன்றில் தெரிவித்துள்ளார்.

இவர் சமீபத்தில் அளித்த பேட்டி ஒன்றில், பட வாய்ப்பு கேட்டு தயாரிப்பாளர் ஒருவரை சந்திக்க சென்றதாகவும் அவர் தன்னிடம் தகாத முறையில் நடக்க முயன்றதாகவும் கூறியுள்ளார். மேலும் அதனை சகித்து கொள்ள முடியாமல் உடனே அவரை தடுத்து அந்த இடத்தை விட்டு வெளியேறியதாகவும் பகீர் குற்றச்சாட்டை கூறியுள்ளார்.

எனவே பாலியல் தொல்லை பெண்களுக்கு மட்டுமல்ல ஆண்களுக்கும் சினமா துறையில் நடக்கிறது என்பதையறிந்த ரசிகர்கள் பெரும் அதிர்ச்சியில் உள்ளனர்.