‘பிக் பாஸ் 4’ : “இனிமே யார்கிட்டயும் அப்படி பேச விருப்பப்படல”ன்னு சொன்ன பாலாஜி… காரணம் ஆரியா?

விஜய் டிவியில் ‘உலக நாயகன்’ கமல் ஹாசன் தொகுத்து வழங்கும் ‘பிக் பாஸ்’ ரியாலிட்டி ஷோவின் சீசன் 4 கடந்த அக்டோபர் 4-ஆம் தேதி முதல் ஒளிபரப்பாகத் துவங்கி உள்ளது. தொடர்ந்து 105 நாட்கள் நடைபெறவிருக்கும் இந்த நிகழ்ச்சியில் நடிகர் ரியோ ராஜ், நடிகை சனம் ஷெட்டி, நடிகை ரேகா, மாடல் பாலாஜி முருகதாஸ், செய்தி வாசிப்பாளர் அனிதா சம்பத், நடிகை ஷிவானி நாராயணன், நடிகர் ஜித்தன் ரமேஷ், பாடகர் வேல்முருகன், நடிகர் ஆரி, மாடல் சோமசேகர், நடிகை கேப்ரில்லா, விஜய் டிவி அறந்தாங்கி நிஷா, நடிகை ரம்யா பாண்டியன், நடிகை சம்யுக்தா கார்த்திக், நடிகர் சுரேஷ் சக்கரவர்த்தி, ‘சூப்பர் சிங்கர்’ ஆஜித் ஆகிய 16 பிரபலங்கள் கலந்து கொண்டனர்.

கடந்த அக்டோபர் 15-ஆம் தேதி பிக் பாஸ் வீட்டிற்குள் வைல்ட் கார்ட் மூலம் ‘விஜய் டிவி’ மற்றும் ‘ஜீ தமிழ்’ மூலம் ஃபேமஸான தொகுப்பாளினி அர்ச்சனா என்ட்ரியானார். அதன் பிறகு ரேகா மற்றும் வேல்முருகன் எலிமினேட் செய்யப்பட்டனர். பின், வீட்டிற்குள் வைல்ட் கார்ட் மூலம் பிரபல ஆர்ஜேவும், பாடகியுமான சுசித்ரா என்ட்ரியானார். அதன் பிறகு சுரேஷ் சக்கரவர்த்தி மற்றும் சுசித்ரா எலிமினேட் செய்யப்பட்டனர்.

கடந்த ஞாயிற்றுக்கிழமை பிக் பாஸ் நிகழ்ச்சியில் சம்யுக்தா கார்த்திக் எலிமினேட் செய்யப்பட்டார். தற்போது, விஜய் டிவி தங்களது அதிகாரப்பூர்வ ட்விட்டர் பக்கத்தில் புதிய ப்ரோமோ வீடியோவை வெளியிட்டுள்ளது. இந்த ப்ரோமோ வீடியோவில் ஆரி, சனம் ஷெட்டியிடம் “நான் பதில் சொல்லக் கூடாது. அவன் கருத்து மட்டும் வரணும். அது எனக்கு against-ஆ இருக்கணும். அவ்ளோ தான். நீ நினைச்சுக்கலாம் நான் சொன்னது தப்புன்னு, நான் நினைச்சுக்கலாம் நீங்க சொன்னது தப்புன்னு” என்று சொல்கிறார்.

பின், நிஷா பாலாஜியிடம் “நீங்க கேட்டிருக்கலாமோன்னு சும்மா எங்க suggestion அவ்ளோதான்” என்று சொல்கிறார். அதற்கு பாலாஜி “இல்ல இல்ல concept-ஏ இது தான். audience will have a clear view. so, எதுனால கத்திக்கிட்டாங்க? so இந்த misunderstandings-லாம் இருந்திருக்கு அவ்ளோ தான். இதுக்கு மேல நான் யார்கிட்டயும் voice raise பண்ணி பேசக் கூட விருப்பப்படல” என்று சொல்கிறார். இவ்வீடியோ சமூக வலைத்தளங்களில் தீயாய் பரவி வருகிறது.