‘பிக் பாஸ் 4’ : “அவங்க டாப் 6-ல வரக் கூடாது”… பாலாஜி – ரமேஷ் இடையே மோதல்!

விஜய் டிவியில் ‘உலக நாயகன்’ கமல் ஹாசன் தொகுத்து வழங்கும் ‘பிக் பாஸ்’ ரியாலிட்டி ஷோவின் சீசன் 4 கடந்த அக்டோபர் 4-ஆம் தேதி முதல் ஒளிபரப்பாகத் துவங்கி உள்ளது. தொடர்ந்து 105 நாட்கள் நடைபெறவிருக்கும் இந்த நிகழ்ச்சியில் நடிகர் ரியோ ராஜ், நடிகை சனம் ஷெட்டி, நடிகை ரேகா, மாடல் பாலாஜி முருகதாஸ், செய்தி வாசிப்பாளர் அனிதா சம்பத், நடிகை ஷிவானி நாராயணன், நடிகர் ஜித்தன் ரமேஷ், பாடகர் வேல்முருகன், நடிகர் ஆரி, மாடல் சோமசேகர், நடிகை கேப்ரில்லா, விஜய் டிவி அறந்தாங்கி நிஷா, நடிகை ரம்யா பாண்டியன், நடிகை சம்யுக்தா கார்த்திக், நடிகர் சுரேஷ் சக்கரவர்த்தி, ‘சூப்பர் சிங்கர்’ ஆஜித் ஆகிய 16 பிரபலங்கள் கலந்து கொண்டனர்.

கடந்த அக்டோபர் 15-ஆம் தேதி பிக் பாஸ் வீட்டிற்குள் வைல்ட் கார்ட் மூலம் ‘விஜய் டிவி’ மற்றும் ‘ஜீ தமிழ்’ மூலம் ஃபேமஸான தொகுப்பாளினி அர்ச்சனா என்ட்ரியானார். அதன் பிறகு ரேகா மற்றும் வேல்முருகன் எலிமினேட் செய்யப்பட்டனர். பின், வீட்டிற்குள் வைல்ட் கார்ட் மூலம் பிரபல ஆர்ஜேவும், பாடகியுமான சுசித்ரா என்ட்ரியானார். அதன் பிறகு சுரேஷ் சக்கரவர்த்தி மற்றும் சுசித்ரா எலிமினேட் செய்யப்பட்டனர்.

கடந்த ஞாயிற்றுக்கிழமை பிக் பாஸ் நிகழ்ச்சியில் சம்யுக்தா கார்த்திக் எலிமினேட் செய்யப்பட்டார். தற்போது, விஜய் டிவி தங்களது அதிகாரப்பூர்வ ட்விட்டர் பக்கத்தில் புதிய ப்ரோமோ வீடியோவை வெளியிட்டுள்ளது. இந்த ப்ரோமோ வீடியோவில் பாலாஜி முருகதாஸ் மற்ற ஹவுஸ்மேட்ஸிடம் “கேட்ட கேள்விகளுக்கு எல்லாம் 1 ஹவர் உட்கார்ந்து நான் எதுக்கு பதில் சொல்லிட்டு, நான் போனை வச்சுட்டு போயிருப்பனே. ஒருத்தரை வந்து நாமினேஷன்ல இருந்து save பண்றேன்னு சொல்லி save பண்ணனால அவங்க டாப் 6-வும் வரக் கூடாது” என்று சொல்கிறார்.

அதற்கு ஜித்தன் ரமேஷ் “நீ இதுல டாப் 6-ல வரணும்னு எதிர்பார்க்குறியா நீ? முன்னாடி வந்து இப்படி நின்னு நின்னு பேசி நீ டாப் 6-ல வரணும்னு பார்க்குறியா? உனக்கு என்ன மனஸ்தாபம் இருக்கோ இதெல்லாம் சொல்லி நீ பாட்டுக்கு வச்சுட்ட. அவர் நைட் full-ஆ தூங்குனாரா இல்லையான்னு உனக்கு தெரியாது அது. அவர் வேற புலம்பினே இருக்காரா என்னனு தெரியல. நீ பாட்டுக்கு கேள்வி கேட்டுட்டு நீ போய்ட்ட” என்று சொல்கிறார். இவ்வீடியோ சமூக வலைத்தளங்களில் தீயாய் பரவி வருகிறது.