‘பிக் பாஸ் 4’ : பெண் போட்டியாளர்களை தவறாக பேசிய பாலாஜி… திட்டித்தீர்க்கும் ஹவுஸ்மேட்ஸ்!

விஜய் டிவியில் ‘உலக நாயகன்’ கமல் ஹாசன் தொகுத்து வழங்கும் ‘பிக் பாஸ்’ ரியாலிட்டி ஷோவின் சீசன் 4 கடந்த அக்டோபர் 4-ஆம் தேதி முதல் ஒளிபரப்பாகத் துவங்கி உள்ளது . இந்த சீசன் 4-யில் கலந்து கொள்ளப்போகும் பிரபலங்கள் யார்? என தெரிந்து கொள்ள ரசிகர்கள் ஆர்வமாக இருந்தார்கள். தினமும் பல பிரபலங்களின் பெயர்களை குறிப்பிட்ட வண்ணம் இருந்தது கோலிவுட் வட்டாரம்.

தொடர்ந்து 105 நாட்கள் நடைபெறவிருக்கும் இந்த நிகழ்ச்சியில் நடிகர் ரியோ ராஜ், நடிகை சனம் ஷெட்டி, நடிகை ரேகா, மாடல் பாலாஜி முருகதாஸ், செய்தி வாசிப்பாளர் அனிதா சம்பத், நடிகை ஷிவானி நாராயணன், நடிகர் ஜித்தன் ரமேஷ், பாடகர் வேல்முருகன், நடிகர் ஆரி, மாடல் சோமசேகர், நடிகை கேப்ரில்லா, விஜய் டிவி அறந்தாங்கி நிஷா, நடிகை ரம்யா பாண்டியன், நடிகை சம்யுக்தா கார்த்திக், நடிகர் சுரேஷ் சக்கரவர்த்தி, ‘சூப்பர் சிங்கர்’ ஆஜித் ஆகிய 16 பிரபலங்கள் கலந்து கொண்டனர்.

கடந்த அக்டோபர் 15-ஆம் தேதி பிக் பாஸ் வீட்டிற்குள் வைல்ட் கார்ட் மூலம் ‘விஜய் டிவி’ மற்றும் ‘ஜீ தமிழ்’ மூலம் ஃபேமஸான தொகுப்பாளினி அர்ச்சனா என்ட்ரியானார். கடந்த வாரம் ஞாயிற்றுக்கிழமை பிக் பாஸ் ஷோவில் ரேகா எலிமினேட் செய்யப்பட்டார். தற்போது, விஜய் டிவி தங்களது அதிகாரப்பூர்வ ட்விட்டர் பக்கத்தில் புதிய ப்ரோமோ வீடியோவை வெளியிட்டுள்ளது. இந்த ப்ரோமோ வீடியோவில் “பாலாஜி அங்க வந்து உட்கார்ந்து சொல்றாரு, அடுத்த வாரம் முழுக்க அம்மியில உட்கார்ந்து அரைக்க வச்சுட்டே இருப்பேன்னு. சொன்னாரா? இல்லையா?ன்னு கேளுங்க” என்று அர்ச்சனா பேசுகிறார். அதற்கு பாலாஜி முருகதாஸ் “எல்லாரையும் நான் அம்மியில அரைக்க வைக்கிறேன்னு சொன்னேன். இதுல என்ன இருக்கு?” என்று பேசுகிறார்.

பின், ரியோ ராஜ் “எல்லாரையும் உக்கார வச்சு அம்மியில அரைக்க விடுறேன் அப்படின்னா, அப்புறம் இங்க இருக்குறவங்கல எல்லாம் என்ன நினைச்சுட்டு இருக்கீங்க?” என்று பேசுகிறார். அதன் பிறகு அறந்தாங்கி நிஷா “பொம்பளைங்கள உட்கார்ந்து அம்மி அரைக்க விடுறதுன்னா அது என்ன அர்த்தம்?” என்று பேசுகிறார். அதற்கு ரியோ ராஜ் “மரியாதை முக்கியம்” என்று பேசுகிறார். பின், பாலாஜி முருகதாஸ் “நான் எதுவுமே மரியாதை குறைவா பேசலையே” என்று பேசுகிறார். அதற்கு வேல்முருகன் “கேமரா பார்த்துட்டு தான் இருக்கு” என்று பேசுகிறார். அதன் பிறகு அர்ச்சனா “எப்படியும் நான் இங்க இருக்கும்போது அவன் எதுவாது பண்ணுவான்னு எனக்கு தெரியும். அம்மில அரைச்ச பிறகுதான தின்றாரு சோத்தை” என்று பேசுகிறார். இவ்வீடியோ சமூக வலைத்தளங்களில் தீயாய் பரவி வருகிறது.