“இப்பதான் வந்து பிக் பாஸ்னா என்னனு எனக்கு புரியுது”-ன்னு சொன்ன பாலாஜி… வெளியானது ‘பிக் பாஸ் 4’ புது ப்ரோமோ!

விஜய் டிவியில் ‘உலக நாயகன்’ கமல் ஹாசன் தொகுத்து வழங்கும் ‘பிக் பாஸ்’ ரியாலிட்டி ஷோவின் சீசன் 4 கடந்த அக்டோபர் 4-ஆம் தேதி முதல் ஒளிபரப்பாகத் துவங்கி உள்ளது . இந்த சீசன் 4-யில் கலந்து கொள்ளப்போகும் பிரபலங்கள் யார்? என தெரிந்து கொள்ள ரசிகர்கள் ஆர்வமாக இருந்தார்கள். தினமும் பல பிரபலங்களின் பெயர்களை குறிப்பிட்ட வண்ணம் இருந்தது கோலிவுட் வட்டாரம்.

தொடர்ந்து 105 நாட்கள் நடைபெறவிருக்கும் இந்த நிகழ்ச்சியில் நடிகர் ரியோ ராஜ், நடிகை சனம் ஷெட்டி, நடிகை ரேகா, மாடல் பாலாஜி முருகதாஸ், செய்தி வாசிப்பாளர் அனிதா சம்பத், நடிகை ஷிவானி நாராயணன், நடிகர் ஜித்தன் ரமேஷ், பாடகர் வேல்முருகன், நடிகர் ஆரி, மாடல் சோமசேகர், நடிகை கேப்ரில்லா, விஜய் டிவி அறந்தாங்கி நிஷா, நடிகை ரம்யா பாண்டியன், நடிகை சம்யுக்தா கார்த்திக், நடிகர் சுரேஷ் சக்கரவர்த்தி, ‘சூப்பர் சிங்கர்’ ஆஜித் ஆகிய 16 பிரபலங்கள் கலந்து கொண்டனர்.

கடந்த அக்டோபர் 15-ஆம் தேதி பிக் பாஸ் வீட்டிற்குள் வைல்ட் கார்ட் மூலம் ‘விஜய் டிவி’ மற்றும் ‘ஜீ தமிழ்’ மூலம் ஃபேமஸான தொகுப்பாளினி அர்ச்சனா என்ட்ரியானார். கடந்த ஞாயிற்றுக்கிழமை பிக் பாஸ் ஷோவில் ரேகா எலிமினேட் செய்யப்பட்டார். தற்போது, விஜய் டிவி தங்களது அதிகாரப்பூர்வ ட்விட்டர் பக்கத்தில் புதிய ப்ரோமோ வீடியோவை வெளியிட்டுள்ளது. இந்த ப்ரோமோ வீடியோவில் “சார் இந்த வீட்டுக்குள்ளையும் கேமரா கிட்டன்னு இல்ல, contestants-கிட்டயும் ஓடவும் முடியாது, ஒளியவும் முடியாது.

ஒன்னு அமைதியா இருந்துட்டா, இவரு அமைதியா இருக்காருன்னு சொல்லி குறை சொல்லுவாங்க. so, அதையும் தாண்டி நம்மளோட opinion-அ சொன்னா, நம்மள வந்து சின்ன பையன், குழந்தைன்னு brand பண்ண பாக்குறாங்க. direct-ஆ ஒரு விஷயத்தை சொல்லாம, indirect-ஆ சொல்றாங்கன்னு நிறையா புரிஞ்சுக்க முடியுது. actual-ஆ இப்பதான் வந்து பிக் பாஸ்னா என்னனு எனக்கு புரியுது” என்று ‘உலக நாயகன்’ கமல் ஹாசனிடம் பாலாஜி முருகதாஸ் பேசுகிறார். இவ்வீடியோ சமூக வலைத்தளங்களில் தீயாய் பரவி வருகிறது.