“ஷிவானி டாபிக்கை யார் எடுத்தா? நீயா? நானா?”… பாலாஜி – ஆரி இடையே மோதல்!

விஜய் டிவியில் ‘உலக நாயகன்’ கமல் ஹாசன் தொகுத்து வழங்கும் ‘பிக் பாஸ்’ ரியாலிட்டி ஷோவின் சீசன் 4 கடந்த ஆண்டு (2020) அக்டோபர் 4-ஆம் தேதி முதல் ஒளிபரப்பாகத் துவங்கி உள்ளது. தொடர்ந்து 105 நாட்கள் நடைபெறவிருக்கும் இந்த நிகழ்ச்சியில் நடிகர் ரியோ ராஜ், நடிகை சனம் ஷெட்டி, நடிகை ரேகா, மாடல் பாலாஜி முருகதாஸ், செய்தி வாசிப்பாளர் அனிதா சம்பத், நடிகை ஷிவானி நாராயணன், நடிகர் ஜித்தன் ரமேஷ், பாடகர் வேல்முருகன், நடிகர் ஆரி, மாடல் சோமசேகர், நடிகை கேப்ரில்லா, விஜய் டிவி அறந்தாங்கி நிஷா, நடிகை ரம்யா பாண்டியன், நடிகை சம்யுக்தா கார்த்திக், நடிகர் சுரேஷ் சக்கரவர்த்தி, ‘சூப்பர் சிங்கர்’ ஆஜித் ஆகிய 16 பிரபலங்கள் கலந்து கொண்டனர்.

கடந்த ஆண்டு அக்டோபர் 15-ஆம் தேதி பிக் பாஸ் வீட்டிற்குள் வைல்ட் கார்ட் மூலம் ‘விஜய் டிவி’ மற்றும் ‘ஜீ தமிழ்’ மூலம் ஃபேமஸான தொகுப்பாளினி அர்ச்சனா என்ட்ரியானார். அதன் பிறகு ரேகா மற்றும் வேல்முருகன் எலிமினேட் செய்யப்பட்டனர். பின், வீட்டிற்குள் வைல்ட் கார்ட் மூலம் பிரபல ஆர்ஜேவும், பாடகியுமான சுசித்ரா என்ட்ரியானார். அதன் பிறகு சுரேஷ் சக்கரவர்த்தி, சுசித்ரா, சம்யுக்தா கார்த்திக், சனம் ஷெட்டி, ஜித்தன் ரமேஷ், அறந்தாங்கி நிஷா மற்றும் அர்ச்சனா எலிமினேட் செய்யப்பட்டனர்.

கடந்த ஞாயிற்றுக்கிழமை பிக் பாஸ் நிகழ்ச்சியில் அனிதா சம்பத் எலிமினேட் செய்யப்பட்டார். தற்போது, விஜய் டிவி தங்களது அதிகாரப்பூர்வ ட்விட்டர் பக்கத்தில் புதிய ப்ரோமோ வீடியோவை வெளியிட்டுள்ளது. இந்த ப்ரோமோ வீடியோவில் ஆரியிடம் பாலாஜி முருகதாஸ் “காதல் கண் கட்டுதுன்னு நீங்க சொன்னீங்க, நீங்க காதலிக்கிறதை பார்த்தீங்களா?” என்று கேட்கிறார். அதற்கு ஆரி “இவ்ளோ தைரியமா என்கிட்ட பேசுறல, அவங்க அம்மாக்கிட்ட நீ போய் பேசியிருக்கனும்” என்று சொல்கிறார். பின், பாலாஜி “நீங்க இதே வெளியே இருந்தா, உங்களுக்கு நான் கொடுத்திருக்க வேண்டிய மரியாதையே வேற” என்று சொல்கிறார்.

அதற்கு ஆரி “மிரட்டுறியா?” என்று கேட்கிறார். அதன் பிறகு ரம்யா பாண்டியன் “தயவு செய்து ரெண்டு பேரும் விட்ருங்க. போய் தூங்கப்போங்க” என்று சொல்கிறார். பின், ஆரி ரம்யாவிடம் “உங்க friend-அ கூட்டிட்டு போங்க” என்று சொல்கிறார். அதற்கு ரம்யா “okay ஆரி. thank you my dear friend” என்று சொல்கிறார். அதன் பிறகு ஆரி “ஏய் நான்பாட்டுக்கு படுக்க தான் வந்தேன். இப்ப வந்து நான் கேட்டனா, ஷிவானி டாபிக்கை யார் எடுத்தா? நீயா? நானா?” என்று கேட்கிறார். அதற்கு பாலாஜி “ஷிவானி டாபிக்கை உடுயா” என்று கத்தி பேசுகிறார். இவ்வீடியோ சமூக வலைத்தளங்களில் தீயாய் பரவி வருகிறது.